How to Make Rumali Roti Easily at Home : చాలా మంది రుమాలి రోటీని ఎంతో ఇష్టంగా తింటుంటారు. ముఖ్యంగా ఫంక్షన్లు, పార్టీలకు వెళ్లినప్పుడు వీటిని తప్పక టేస్ట్ చేస్తుంటారు. అలాగే.. కొంతమంది రెస్టారెంట్స్కి వెళ్లినప్పుడు పన్నీరు, ఏదైనా నాన్వెజ్ కర్రీతో రుమాలి రోటీని ఆర్డర్ చేసి ఆస్వాదిస్తుంటారు. ఇంకొందరు ఆర్డర్ చేసి ఇంటికి తెప్పించుకుంటుంటారు. కానీ.. మీకు తెలుసా? ఇంట్లో కూడా ఈజీగా "రెస్టారెంట్ స్టైల్ రుమాలి రోటీ"ని ప్రిపేర్ చేసుకోవచ్చు. చాలా రుచికరంగానూ ఉంటాయి! మరి, ఇంకెందుకు ఆలస్యం ఈ టిప్స్ ఫాలో అవుతూ ఇప్పుడే ఇలా ప్రిపేర్ చేసుకోండి.
కావాల్సిన పదార్థాలు :
- మైదా పిండి - 1 కప్పు
- ఉప్పు - సరిపడా
- పంచదార - అర చెంచా
- నూనె - తగినంత
తయారీ విధానం :
- ముందుగా పిండిని ప్రిపేర్ చేసుకోవాలి. ఇందుకోసం మొదటగా ఒక చిన్న బౌల్లో అర చెంచా చొప్పున చక్కెర, ఉప్పుతో పాటు తగినన్ని వాటర్ పోసుకొని కరిగించుకోవాలి.
- ఆ తర్వాత ఒక మిక్సింగ్ బౌల్లో మైదా తీసుకొని కరిగించుకున్న ఉప్పు వాటర్ పోసుకొని చేతివేళ్లతో పిండి మొత్తం తడిసేలా బాగా కలుపుకోవాలి.
- అనంతరం తగినన్ని వాటర్ యాడ్ చేసుకుంటూ పిండిని జిగురుగా, సాఫ్ట్గా ఉండేలా కలుపుకోవాలి. అలా పిండిని రెడీ చేసుకున్నాక.. అందులో 1 టేబుల్ స్పూన్ ఆయిల్వేసుకొని కనీసం 5 నుంచి 6 నిమిషాల పాటు వత్తుకోవాలి.
- తర్వాత మరో టేబుల్ స్పూన్ నూనె వేసుకొని మరికాసేపు పిండిని వత్తుకోవాలి. ఇలా ఆయిల్ వేసి ఎక్కువసేపు పిండిని వత్తుకోవడం వల్ల రోటీలు చేసుకునేటప్పుడు పిండి చాలా సాఫ్ట్గా సాగుతుంది. పిండి అనేది చపాతీ పిండి కంటే కూడా చాలా చాలా సాఫ్ట్గా ఉండే విధంగా కలుపుకోవాలి.
- ఆవిధంగా పిండిని ప్రిపేర్ చేసుకున్నాక.. దాన్ని చిన్న చిన్న ఉండలుగా చేసుకోవాలి. ఆపై ఒక ప్లేట్ మీద కాస్త పొడిపిండిని చల్లుకొని పిండి ఉండలను ఉంచి వాటిపైన కొద్దిగా ఆయిల్ అప్లై చేసుకోవాలి. ఆ తర్వాత వాటిపై తడి క్లాత్ను కప్పి అరగంటపాటు అలా వదిలేయాలి.
- ఇప్పుడు స్టౌ బర్నర్ మీద ఐరన్ కడాయిని బోర్లించి స్టౌను హై ఫ్లేమ్లో పెట్టి వేడి చేసుకోవాలి. అది హీట్ అయ్యే లోపు ఒక చిన్న బౌల్లో ఒక టేబుల్ స్పూన్ ఉప్పు, అర కప్పు వాటర్ పోసుకొని కరిగించుకోవాలి.
- తర్వాత ఆ వాటర్ను స్టౌపై హీట్ అవుతున్న బోర్లించిన కడాయిపై కొద్దిగా చల్లుకోవాలి. అంతే.. రుమాలి రోటీ కోసం పాన్ రెడీ!
- ఇక ఇప్పుడు చపాతీపీట మీద పొడిపిండిని చల్లుకొని రోటీ కోసం తడిపిపెట్టుకున్న పిండి ఉండను ఉంచి ముందుగా చేతితో కొద్దిగా స్ప్రెడ్ చేసుకోవాలి. ఆ తర్వాత చపాతీ రోలర్ సహాయంతో.. వీలైనంత పల్చగా రోల్ చేసుకోవాలి.
- ఆ తర్వాత దాన్ని చేతిలోకి తీసుకొని ఒక చేతి నుంచి మరొక చేతిలోకి మార్చుకుంటూ పల్చని కర్చీఫ్ మాదిరిగా ప్రిపేర్ చేసుకోవాలి. అనంతరం దాన్ని స్టౌపై హీట్ అవుతున్న పెనంపై వేసుకొని 30 సెకన్లు కదపకుండా అలా వదిలేయాలి.
- ఆ తర్వాత రోటీ సెపరేట్ అవుతుంది. అప్పుడు దాన్ని చేతితో మధ్యలోకి జరుపుకుంటూ అన్ని వైపులా కాల్చుకోవాలి. చక్కగా కాలాక కర్చీఫ్లా ఫోల్డ్ చేసుకొని ప్లేట్లోకి తీసుకొని సర్వ్ చేసుకుంటే చాలు. అంతే.. "రెస్టారెంట్ స్టైల్ రుమాలి రోటీ" రెడీ!