బియ్యం పిండి దోశలతో షుగర్ సమస్యా? - ఇలా "రాగి దోశలు" చేసుకోండి! - సూపర్ టేస్టీ, ఇంకా ఆరోగ్యం

- నిమిషాల్లో సిద్ధమయ్యే మిల్లెట్ దోశ - రుచికి రుచీ.. ఆరోగ్యానికి ఆరోగ్యం

How to Make Instant Ragi Dosa : చాలా మంది ఇష్టపడే బ్రేక్​ఫాస్ట్​ రెసిపీలలో ఒకటి.. దోశ. అయితే, సాధారణంగా దోశలు తయారుచేసుకోవాలంటే ముందు రోజే రాత్రి పిండిని పులియబెట్టుకోవాలి. ఇదంతా కాస్త ప్రాసెస్​తో కూడుకున్న పని. కానీ, ఇప్పుడు చెప్పబోయే "రాగి దోశలకు" ఆ అవసరం లేదు. చాలా ఈజీగా నిమిషాల్లో వీటిని ఇన్​స్టంట్​గా ప్రిపేర్ చేసుకోవచ్చు. అంతేకాదు.. ఇవి ఆరోగ్యానికి ఎంతో మేలు చేస్తాయి. ముఖ్యంగా వీటిని తినడం ద్వారా శరీరానికి కావాల్సిన కాల్షియంలభిస్తుంది! టేస్ట్​ కూడా చాలా బాగుంటాయి. ఇంతకీ, ఈ సూపర్ హెల్దీ రెసిపీ తయారీకి కావాల్సిన పదార్థాలేంటి? ఎలా ప్రిపేర్ చేసుకోవాలి? అనే వివరాలు ఈ స్టోరీలో తెలుసుకుందాం.

కావాల్సిన పదార్థాలు :

• రాగిపిండి - 1 కప్పు
• బియ్యప్పిండి - పావు కప్పు
• ఎండుమిర్చి - 5
• ఉల్లిపాయ - 1
• సోంపు గింజలు - 1 టేబుల్​స్పూన్
• కొత్తిమీర తరుగు - 1 టేబుల్​స్పూన్
• కరివేపాకు - 2 రెమ్మలు
• ఉప్పు - రుచికి సరిపడా

తయారీ విధానం :

• ముందుగా సోంపు మిర్చి పౌడర్​ను ప్రిపేర్​ చేసుకోవాలి. ఇందుకోసం.. మిక్సీ జార్ తీసుకొని ఎండుమిర్చి, సోంపు వేసి మెత్తని పొడిలా గ్రైండ్ చేసుకొని పక్కన ఉంచుకోవాలి.
• అలాగే.. రెసిపీలోకి కావాల్సిన ఉల్లిపాయను సన్నని తరుగులా కట్ చేసుకొని పక్కన పెట్టుకోవాలి. అదేవిధంగా కొత్తిమీర, కరివేపాకును సన్నగా తరుక్కొని రెడీగా ఉంచుకోవాలి.
• ఇప్పుడు ఒక మిక్సింగ్ బౌల్​ తీసుకొని అందులో.. రాగిపిండి, బియ్యప్పిండి, ముందుగా కట్ చేసుకొని పెట్టుకున్న సన్నని ఉల్లిపాయ తరుగు, కొత్తిమీర, కరివేపాకు తరుగు, ఉప్పు, గ్రైండ్ చేసుకుని సిద్ధంగా ఉంచుకున్న ఎండుమిర్చి సోంపు పొడి.. ఇలా ఒక్కొక్కటిగా వేసుకోవాలి.
• ఆ తర్వాత తగినన్ని వాటర్ యాడ్ చేసుకుంటూ అన్నీ కలిసేలా కలుపుకుంటూ దోశ పిండిలా ప్రిపేర్ చేసుకోవాలి. ఆవిధంగా పిండిని ప్రిపేర్ చేసుకున్నాక.. ఒక 30 నిమిషాల పాటు అలా వదిలేయాలి.
• 30 నిమిషాలయ్యాక.. స్టౌపై దోశ పాన్ పెట్టుకొని వేడి చేసుకోవాలి. అది హీట్ అయ్యాక గరిటెతో కొద్దిగా పిండి మిశ్రమాన్ని తీసుకొని దోశ మాదిరిగా వేసుకోవాలి.
• అయితే.. ఈ పిండిలో ఉల్లిపాయ ముక్కలు, కొత్తిమీర, కరివేపాకు తరుగు వేసుకున్నాం కాబట్టి దోశలుచక్కటి షేప్​, పల్చగా రావనే విషయాన్ని గుర్తుంచుకోవాలి.
• అందుకే.. వీలైనంత పల్చగా వేసుకొని అంచుల వెంబడి ఆయిల్ అప్లై చేసుకొని మీడియం ఫ్లేమ్ మీద రెండు వైపులా ఎర్రగా కాల్చుకుని సర్వ్ చేసుకుంటే చాలు. అంతే.. ఎంతో రుచికరంగా ఉండే కాల్షియం రిచ్ "రాగి దోశలు" రెడీ!