Andhra Style Tiffin Sambar:ఇడ్లీ, మైసూర్ బోండా, వడ ఇలా హోటల్లో.. ఏది తినాలన్నా చాలా మందికి చట్నీతోపాటుగా సాంబార్ తప్పకుండా ఉండాల్సిందే! అది లేకుండా టిఫిన్ చేయడానికి అంతగా ఇష్టపడరు. అయితే.. ఇదే టేస్ట్ ఇంట్లో చూద్దామంటే సాంబార్ అంత టేస్ట్గా కుదరదు. అందుకే.. ఈ రెసిపీ తీసుకొచ్చాం. పక్కా కొలతలతో ఆంధ్ర స్టైల్లో సాంబార్ ఈజీగా ఇంట్లో ప్రిపేర్ చేసుకోవచ్చు. మరి ఇంకెందుకు ఆలస్యం? ఈ ప్రత్యేకమైన సాంబార్ ఎలా చేయాలి? ఇందులోకి కావాల్సిన పదార్థాలు ఏంటి? అన్నది ఇప్పుడు తెలుసుకుందాం.
కావాల్సిన పదార్థాలు
- ఒక కప్పు కంది పప్పు
- అర కప్పు పెసర పప్పు
- మూడు టేబుల్ స్పూన్ల నూనె
- ఒక టీ స్పూన్ ఆవాలు
- ఒక టీ స్పూన్ జీలకర్ర
- రెండు రెబ్బల కరివేపాకు
- ఒక టీ స్పూన్ మినపప్పు
- ఒక టీ స్పూన్ శనగపప్పు
- రెండు ఎండు మిర్చి
- 6 దంచిన వెల్లుల్లి రెబ్బలు
- 4 పచ్చిమిరపకాయలు
- రుచికి సరిపడా ఉప్పు
- అర టీ స్పూన్ పసుపు
- ఒక ఉల్లిపాయ ముక్కలు
- అర కప్పు మునగకాయ ముక్కలు
- ఒక క్యారెట్ (ముక్కలుగా చేసుకోవాలి)
- ఒక టమాటా (ముక్కలుగా చేసుకోవాలి)
- ఒక టేబుల్ స్పూన్ కారం
- ఒక టేబుల్ స్పూన్ ధనియాల పొడి
- పావు కప్పు చిక్కటి చింతపండు రసం
- కొద్దిగా కొత్తిమీర
- పావు చెంచా ఇంగువా
- ఒక టేబుల్ స్పూన్ నెయ్యి
తయారీ విధానం
- ముందుగా ఓ గిన్నెలో కంది పప్పు, పెసరపప్పు వేసి శుభ్రంగా కడిగి నీళ్లు పోసి సుమారు గంటపాటు నానబెట్టాలి.
- ఆ తర్వాత వీటిని ప్రెషర్ కుక్కర్లో వేసి మూడున్నర కప్పుల నీళ్లు పోసి మీడియం ఫ్లేమ్లో ఐదు విజిల్స్ వచ్చేవరకు ఉడికించుకోవాలి. అనంతరం మూత తీసి రుబ్బుకోవాలి.
- ఇప్పుడు స్టౌ ఆన్ చేసి ఓ గిన్నెలో నూనె పోసి వేడి చేసుకోవాలి. ఇందులోనే ఆవాలు, జీలకర్ర, కరివేపాకు, మినపప్పు, శనగపప్పు, ఎండు మిర్చి వేసి వేగనివ్వాలి.
- ఆ తర్వాత దంచిన వెల్లుల్లి రెబ్బలు, పచ్చిమిరపకాయలు, ఉప్పు, పసుపు వేసి కలపాలి.
- ఇందులోనే ఉల్లిపాయ ముక్కలు వేసి మెత్తగా అయ్యేవరకు బాగా ఉడికించుకోవాలి.
- అనంతరం మునగకాయ, క్యారెట్, టమాటా ముక్కలు వేసి మగ్గనివ్వాలి.
- ఆ తర్వాత కారం, ధనియాల పొడి, అర లీటర్ నీళ్లు పోసి 4 నిమిషాల పాటు మరగనివ్వాలి.
- ఇప్పుడు ఈ మిశ్రమాన్ని నానబెట్టుకున్న పప్పులో వేసి ఉప్పు కలిపి 15 నిమిషాల పాటు లో-ఫ్లేమ్లో మరగనివ్వాలి. (మీకు అవసరమైతే నీళ్లను కలుపుకోవచ్చు)
- సాంబార్ పొంగుతున్న సమయంలో చింతపండు రసం, కొత్తిమీర తరుగు, ఇంగువా వేసుకుని మరో 15 నిమిషాల పాటు మరిగించుకోవాలి.
- ఆ తర్వాత నెయ్యి వేసుకుని దించేసుకుంటే టేస్టీ ఆంధ్ర స్టైల్ టిఫిన్ సాంబార్ రెడీ!
వంకాయ పచ్చి కారం - రొటీన్గా కాకుండా వెరైటీగా చేసుకోండిలా!
అసలు సిసలైన ఆంధ్రా స్టైల్ "నాటుకోడి వేపుడు" - ఈ పద్ధతిలో చేశారంటే తినేకొద్దీ తినాలనిపిస్తుంది!
