How to Make Ulli Vada Recipe :చాలా మంది ఈవెనింగ్ టీ టైమ్లో.. సమోసా, పకోడి, మిక్చర్ తినడానికి ఎంతో ఇష్టపడతారు. కాస్త కారంగా ఏదైనా స్నాక్ ఐటమ్ తిని.. వేడివేడి టీ/కాఫీ తాగితే ఆ ఫీల్ ఎంతో బాగుంటుంది. అయితే, ఇంట్లో పకోడి, మిర్చి బజ్జీచేయాలంటే కాస్త టైమ్ ఎక్కువగానే పడుతుంది. అలాంటప్పుడు ఒక్కసారి ఇలా ఉల్లి వడలు ప్రిపేర్ చేయండి. నిమిషాల్లోనే వేడివేడివడలుతయారైపోతాయి. ఈ ఉల్లి వడలు ఎంతో క్రిస్పీగా చాలా టేస్టీగా ఉంటాయి. స్కూల్ నుంచి ఇంటికి వచ్చిన పిల్లలకి ఉల్లి వడలు పెడితే ఎంతో ఇష్టంగా తింటారు. మరి మీరు కూడా ఈ సాయంత్రం ఉల్లి వడలు ట్రై చేయాలనుకుంటున్నారా ? అయితే, స్టోరీ పూర్తిగా చదివి ఇంట్లో రెడీ చేయండి.
కావాల్సిన పదార్థాలు..
- ఉల్లిపాయలు-5
- శనగపిండి- అరకప్పు
- బియ్యం పిండి-పావుకప్పు
- రుచికి సరిపడా ఉప్పు
- అల్లం తురుము-టేబుల్స్పూన్
- పచ్చిమిర్చి-4 (సన్నగా కట్ చేసుకోవాలి)
- కరివేపాకు-5
- పసుపు-అరటీస్పూన్
- కారం- అర టేబుల్స్పూన్
- నూనె- వేయించడానికి సరిపడా
తయారీ విధానం..
- ముందుగా ఉల్లిపాయలను సన్నగా పొడవుగా కట్ చేసుకోవాలి. ఉల్లిపాయ ముక్కలను ఒక గిన్నెలోకి తీసుకుని కాస్త ఉప్పు వేసుకుని బాగా కలుపుకోవాలి.
- గిన్నెపై మూత పెట్టి 15 నిమిషాలు అలా వదిలేయాలి. ఇలా చేస్తే ఉల్లిపాయల నుంచి వాటర్ బయటకు వస్తుంది. (ఉల్లి వడలు చేయడానికి మనం వాటర్ యూజ్ చేయకూడదు. వాటర్ లేకుండా చేసుకుంటే వడలు చాలా క్రిస్పీగా ఎంతో టేస్టీగా వస్తాయి.)
- తర్వాత ఇందులో పచ్చిమిర్చి ముక్కలు, అల్లం తురుము, కరివేపాకు తురుము వేసుకుని కలుపుకోవాలి.
- అలాగే కారం, పసుపు వేసుకుని బాగా మిక్స్ చేయాలి. ఇందులో శనగపిండి, బియ్యం పిండి వేసుకుని పిండిని బాగా కలుపుకోవాలి. పిండి వడలు వచ్చేలా మిక్స్ చేయండి.
- ఇప్పుడు స్టౌ పైన కడాయి పెట్టి ఆయిల్ పోయండి.
- నూనె వేడెక్కిన తర్వాత కొద్దిగా పిండిని చేతిలోకి తీసుకుని వడలు రెడీ చేసి ఆయిల్లో వేయండి.
- ఒక నిమిషం తర్వాత మెల్లిగా వడలను గరిటెతో కలుపుతూ రెండు వైపులా ఫ్రై చేసుకోండి.
- ఉల్లి వడలు క్రిస్పీగా, గోల్డెన్ కలర్లో ఫ్రై చేసుకున్న తర్వాత ఒక గిన్నెలోకి తీసుకోండి.
- మిగిలిన పిండితో ఇలానే వడలను ఫ్రై చేసుకోండి. అంతే ఇలా చేసుకుంటే ఉల్లి వడలు ఎంతో క్రిస్పీగా సూపర్ టేస్టీగా వస్తాయి.
- నచ్చితే మీరు కూడా సాయంత్రం టైమ్లో ఈ ఉల్లి వడ రెసిపీ ట్రై చేయండి. పిల్లలు ఎంతో ఇష్టంగా తింటారు.