నోరూరించే "మ్యాగీ ఆమ్లెట్​" - టేస్ట్​ అద్దిరిపోతుందంతే!

- పిల్లల నుంచి పెద్దల దాకా ఎంతో ఇష్టంగా లాగిస్తారు!

Maggi Omelette Recipe :మ్యాగీ అంటే పిల్లలకు ఎంత ఇష్టమో చెప్పాల్సిన పని లేదు. వేడివేడిగా ప్లేట్లో ఇలా వేసి ఇవ్వగానే అలా తినేస్తారు. అయితే.. మిగతా స్నాక్​ రెసిపీల కన్నా మ్యాగీ చేయడం చాలా సులభం కావడంతో.. మమ్మీలు కూడా తరచూ దీనిని చేస్తుంటారు. అయితే.. మ్యాగీ ఎప్పుడూ ఒకేలా చేస్తే బోర్ కొడుతుంది. అందుకే.. మీ కోసం కాస్త వెరైటీగా"మ్యాగీ ఆమ్లెట్"​ రెసిపీని పరిచయం చేయబోతున్నాం.

ఇంట్లో బ్రేక్​ఫాస్ట్​ చేయడానికి ఎక్కువ టైమ్​ లేనప్పుడు మ్యాగీతో ఇలా ఆమ్లెట్​ వేసేయండి. ఈ ఆమ్లెట్​ని పిల్లలే కాదండీ.. పెద్దలు కూడా లొట్టలేసుకుంటూ తింటారు. దీనిని చేయడానికి కూడా ఎక్కువ టైమ్ పట్టదు. కేవలం పది నిమిషాల్లోనే తయారైపోతుంది. మరి ఇక లేట్​ చేయకుండా రుచికరమైన మ్యాగీ ఆమ్లెట్​ ఎలా చేయాలో ఓ లుక్కేయండి..

కావాల్సిన పదార్థాలు :

• మ్యాగీ-1 ప్యాకెట్​
• ఎగ్స్​-3
• సన్నగా కట్​ చేసిన ఉల్లిపాయ ముక్కలు -3 టేబుల్​స్పూన్లు
• క్యాప్సికమ్​ తరుగు-2 టేబుల్​స్పూన్లు
• క్యారెట్​ తురుము-2 టేబుల్​స్పూన్లు
• సన్నగా తరిగిన పచ్చిమిర్చి-2
• అల్లం ముక్కలు-టేబుల్​స్పూన్​
• కొత్తిమీర తరుగు కొద్దిగా
• నూనె -2 టేబుల్​స్పూన్లు

తయారీ విధానం :

• ముందుగా స్టౌ ఆన్​ చేసి మ్యాగీ ఉడికించుకోవడం కోసం ఒక గిన్నె పెట్టుకోవాలి. అందులో కప్పు నీటిని పోసుకుని మ్యాగీ వేసుకోవాలి.
• ఇందులోనే రుచికి సరిపడా ఉప్పు వేసుకుని కలుపుకోవాలి. మ్యాగీ ఉడికిన తర్వాత మసాలా మిశ్రమం వేసి కలిపి స్టౌ ఆఫ్​ చేసుకోవాలి.
• ఇప్పుడు ఒక మిక్సింగ్​ బౌల్లో ఎగ్స్​ పగలగొట్టి తీసుకోండి. అందులో కొద్దిగా ఉప్పు, ఉల్లిపాయ ముక్కలు, క్యాప్సికమ్​ తరుగు, క్యారెట్​ తురుము, సన్నగా తరిగిన పచ్చిమిర్చి, అల్లం ముక్కలు, కొత్తిమీర తరుగు వేసి బాగా కలుపుకోవాలి.
• ఇప్పుడు స్టౌపై పాన్​ పెట్టి, ఇందులో నూనె వేసి వేడి చేయండి.
• ఆపై ఆమ్లెట్​ మిశ్రమం పోసుకుని పాన్ మొత్తం స్ప్రెడ్​ చేయండి. ఆమ్లెట్​ మిశ్రమం కొద్దిగా కుక్ అయిన తర్వాత.. మధ్యలో ఉడికించుకున్న మ్యాగీ వేసుకోండి.
• ఇప్పుడు మ్యాగీని మధ్యలో ఉంచి.. ఆమ్లెట్​ ఫోల్డ్​ చేసుకోండి. రెండు వైపులా ఆమ్లెట్​ కాస్త దోరగా ఫ్రై చేసుకోండి.
• అంతే ఇలా సింపుల్​గా చేసుకుంటే ఎంతో టేస్టీగా ఉండే మ్యాగీ ఎగ్​ ఆమ్లెట్​ మీ ముందుంటుంది. నచ్చితే ఓ సారి ఇలా ట్రై చేయండి. బ్రేక్​ఫాస్ట్​లో పిల్లలు ఎంతో ఇష్టంగా తింటారు.

ఇవి కూడా చదవండి: