Murugan Chutney Recipe in Telugu :సాధారణంగా ఇడ్లీ, దోశ, మైసూర్ బజ్జీ, వడ, ఉప్మా వంటి అన్నిబ్రేక్ఫాస్ట్ ఐటమ్స్లోకిపల్లీ చట్నీ ఎక్కువగా చేసుకుంటుంటాం. మరికొందరు ఇడ్లీల్లోకి స్పెషల్గా సాంబార్ కూడా ప్రిపేర్ చేసుకుంటారు. అయితే, ఎప్పుడూ ఒకేలా కాకుండా ఈ సారి కొత్తగా చెన్నై ఫేమస్ మురుగన్ చట్నీని తయారు చేయండి. ఈ మురుగన్ చట్నీ ఇడ్లీ, దోశ, ఉప్మాతో రుచి అద్దిరిపోతుంది. పైగా ఈ చట్నీ చేసుకోవడం కూడా సులభం! ఇంట్లో ఉండే పదార్థాలతోనే మురుగన్ చట్నీ రెడీ అవుతుంది. మరి ఇక ఆలస్యం చేయకుండా సింపుల్గా కమ్మటి మురుగన్ చట్నీ ఎలా చేయాలో ఇప్పుడు చూద్దాం.
కావాల్సిన పదార్థాలు :
- టమాటాలు - 4 (ఎర్రగా పండినవి)
- నూనె - 2 టేబుల్ స్పూన్లు
- ఆవాలు - 1 టీస్పూన్
- పొట్టుమినప్పప్పు - పావుకప్పు
- ఎండుమిర్చి - 6
- వెల్లుల్లి రెబ్బలు - 5
- బెల్లం తురుము - అర టేబుల్స్పూన్
- ఇంగువ - చిటికెడు
- ఉప్పు - రుచికి సరిపడా
తాళింపు కోసం కావాల్సినవి :
- నూనె - 1 టేబుల్స్పూన్
- ఆవాలు - 1 టీస్పూన్
- కరివేపాకు - 1
"బొంబాయి రవ్వతో గుంత పొంగనాలు" - ఇంట్లో ఇలా చేస్తే ఒక్కటి కూడా మిగలదు!
తయారీ విధానం :
- ముందుగా పండిన టమాటాలను మీడియం సైజ్ ముక్కలుగా కట్ చేసుకొని పక్కన పెట్టుకోవాలి.
- అలాగే వెల్లుల్లి రెబ్బలు పొట్టు తొలగించుకొని పక్కన ఉంచుకోవాలి.
- ఇప్పుడు స్టవ్పై కడాయి పెట్టి నూనె వేసి వేడి చేయాలి. ఆపై ఆవాలు, పొట్టుమినప్పప్పు వేసి ఫ్రై చేయాలి. పప్పులు చక్కగా వేగడానికి మంట లో ఫ్లేమ్లో అడ్జస్ట్ చేసుకోవాలి. ఇప్పుడు అందులో ఎండుమిర్చి, వెల్లుల్లి రెబ్బలు వేసి వేపండి.
- అనంతరం టమాటా ముక్కలు, రుచికి సరిపడా ఉప్పు వేసి కలుపుతూ మగ్గించుకోండి.
- టమాటాలు మగ్గుతున్న టైమ్లో బెల్లం తురుము, ఇంగువ వేసి కలపండి.
- టమాటాలు పూర్తిగా మగ్గిన తర్వాత స్టవ్ ఆఫ్ చేయండి. ఈ మిశ్రమం పూర్తిగా చల్లారిన తర్వాత మిక్సీ గిన్నెలో వేసి మెత్తగా గ్రైండ్ చేసుకోండి.
- ఈ చట్నీని ఒక మిక్సింగ్ బౌల్లోకి తీసుకుని, అందులో సరిపడా వాటర్ యాడ్ చేసుకోండి. ఈ సమయంలోనే చట్నీలో ఉప్పు రుచి చూసుకోండి.
- ఇప్పుడు తాళింపు కోసం పాన్లో కాస్త ఆయిల్ వేసుకోవాలి. అది కొద్దిగా వేడయ్యాక ఆవాలు, కరివేపాకు వేసి కాస్త దోరగా వేయించుకోవాలి.
- ఆపై తాళింపుని చట్నీలో వేసి బాగా కలిపిస్తే సరి!
- అంతే ఎంతో రుచికరమైన చెన్నై ఫేమస్ మురుగన్ చట్నీ రెడీ!
- ఈ మురుగన్ చట్నీ నచ్చితే మీరు ఓసారి ఇంట్లో ట్రై చేయండి!
కొనే పనిలేకుండా ఇంట్లోనే "దోశ మిక్స్ పౌడర్"! - కేవలం 5 నిమిషాల్లోనే వేడివేడి దోశ రెడీ!
రేషన్ బియ్యంతో మెత్తని దూదిలాంటి ఇడ్లీలు - రవ్వ కొనాల్సిన అవసరమే లేదు!