కార్తిక మాసం స్పెషల్​ "ఆలూ పులావ్​, వంకాయ మసాలా " - ఇలా చేస్తే ఒక్క మెతుకు వదలకుండా ఇష్టంగా తింటారు!

-బంధువులు ఇంటికి వచ్చినప్పుడు ఏం చేయాలో అర్థం కావడం లేదా ? -ఇవి ఓ సారి ప్రిపేర్​ చేయండి!

How to Make Aloo Pulao Recipe :కొన్నిసార్లు రొటీన్​గా కూరలు వండుకుని తినకుండా.. భోజనం​లోకి ఏదైనా స్పెషల్​గా చేసుకుని తినాలనిపిస్తుంది. అలాంటప్పుడు ఒక్కసారి ఇలా ఘుమఘుమలాడే ఆలూ పులావ్, వంకాయ మసాలా కర్రీట్రై చేయండి. ఈ రెండు రెసిపీలను బంధువులు ఇంటికి వచ్చినప్పుడు కూడా వారికి వడ్డించవచ్చు. అంతేకాదు ఈ రెసిపీలను ​సులభంగా ప్రిపేర్​ చేసుకోవచ్చు. మరి వీటి ప్రిపరేషన్​కు కావాల్సిన పదార్థాలు, తయారీ విధానం ఇప్పుడు చూద్దాం..

ఆలూ పులావ్​ కోసం కావాల్సిన పదార్థాలు :

• బాస్మతి బియ్యం- 2 గ్లాసులు
• ఆలూ-2
• నెయ్యి-టేబుల్ స్పూన్​
• నూనె-టేబుల్ స్పూన్
• పెరుగు -2టేబుల్​స్పూన్లు
• దాల్చిన చెక్క
• ఒక అనాస పువ్వు
• కొద్దిగా జాపత్రి
• లవంగాలు-3
• అర టీస్పూన్ షాజీరా
• ఒక నల్ల యాలక
• బిర్యానీ ఆకులు-2
• అరకప్పు ఉల్లిపాయ ముక్కలు
• పచ్చిమిర్చి-4
• గరం మసాలా-అర టీస్పూన్
• ఉప్పు రుచికి సరిపడా
• అల్లం వెల్లుల్లి పేస్ట్-టేబుల్​స్పూన్
• టమాటా-1
• కొత్తిమీర, పుదీనా తరుగు-కొద్దిగా
• కరివేపాకు-1
• ఫ్రోజోన్ బఠానీ-అరకప్పు

ఆలూ పులావ్​ తయారీ విధానం :

• ముందుగా ఆలూ పులావ్​ చేయడం కోసం స్టౌపై గిన్నె పెట్టండి. నూనె, నెయ్యి వేయండి. ఆయిల్​ వేడయ్యాక బిర్యానీ ఆకు, జాపత్రి, దాల్చిన చెక్క, అనాస పువ్వు, లవంగాలు, నల్ల యాలక, షాజీరా వేసి కలపండి.
• మసాలా దినుసులు వేగిన తర్వాత సన్నగా తరిగిన ఉల్లిపాయ, పచ్చిమిర్చి ముక్కలు వేసి వేయించండి. అల్లం వెల్లుల్లి పేస్ట్​ వేసి పచ్చివాసన పోయే వరకు ఫ్రై చేయండి. అలాగే టమాటా ముక్కలు వేసి కాసేపు మగ్గించండి.
• తర్వాత ఆలుగడ్డ ముక్కలు వేసి కలపండి. అలాగే కొత్తిమీర, పుదీనా తరుగు, కరివేపాకులు వేసి మిక్స్​ చేయండి.
• ఇప్పుడు పెరుగు వేసి ఒక నిమిషం పాటు వేపండి. తర్వాత మూతపెట్టి కొద్దిసేపు మగ్గించుకోండి.
• ఇప్పుడు నానబెట్టుకున్న రైస్​ వేయండి. బాగా కలిపిన తర్వాత మూడు గ్లాసుల నీటిని పోసుకోండి. (ఒక గ్లాసు రైస్​కి ఒకటిన్నర గ్లాసు వాటర్​ సరిపోతుంది.)
• ఆపై రుచికి సరిపడా ఉప్పు, ఫ్రోజోన్ బఠానీ వేసుకుని కలిపి మూతపెట్టుకోవాలి.
• రైస్​ చక్కగా పొడిపొడిగా ఉడికిన తర్వాత స్టౌ ఆఫ్​ చేసుకుంటే సరిపోతుంది. అంతే ఇలా చేసుకుంటే వేడివేడి ఆలూపులావ్​ మీ ముందుంటుంది.

Vankaya Masala Curry Recipe : వంకాయ మసాలా కర్రీకి కావాల్సిన పదార్థాలు:

• వంకాయలు-అరకేజీ
• పల్లీలు -2 టేబుల్​స్పూన్లు
• పావు కప్పు-ఎండుకొబ్బరి
• నువ్వులు-2 టేబుల్​స్పూన్లు
• ధనియాలు- టేబుల్​స్పూన్
• జీలకర్ర- 2 టీస్పూన్లు
• నూనె-4 టేబుల్​స్పూన్లు
• ఉల్లిపాయలు-2
• ఆవాలు-అరటీస్పూన్
• ఎండుమిర్చి-2
• బిర్యానీ ఆకు-1
• పచ్చిమిర్చి-2
• కరివేపాకు-2
• అల్లం వెల్లుల్లి పేస్ట్​-టేబుల్​స్పూన్​
• కారం ​-టేబుల్​స్పూన్
• ఉప్పు రుచికి సరిపడా
• గరం మసాలా-టీస్పూన్​
• టమాటా -1

తయారీ విధానం :

• ముందుగా వంకాయలను నీటిలో శుభ్రం చేసుకోవాలి. ఆపై నాలుగు వైపులా గాట్లు పెట్టి.. గుత్తి వంకాయ కూర కోసం మాదిరిగా కట్​ చేసుకోవాలి.
• ముందుగా స్టౌపై పాన్ పెట్టి పల్లీలు దోరగా వేయించుకోవాలి.
• ఆపై ఎండుకొబ్బరి ముక్కలు, నువ్వులు, ధనియాలు, టీస్పూన్ జీలకర్ర వేసి అన్నింటినీ బాగా ఫ్రై చేసుకోవాలి.
• తర్వాత వీటిని ఒక ప్లేట్లోకి తీసుకుని చల్లారనివ్వాలి.
• ఇప్పుడు అదే పాన్​లో కొద్దిగా ఆయిల్​ వేసి వేడి చేయండి. ఇందులో ఉల్లిపాయ ముక్కలు వేసి గోల్డెన్​ కలర్​ వచ్చేంత వరకు వేయించుకోండి. ఆపై ఒక ప్లేట్లోకి తీసుకోండి.
• ఇప్పుడు మిక్సీ జార్లోకి వేయించిన దినుసులు, ఫ్రైడ్​ ఆనియన్స్​ వేసి మెత్తగా గ్రైండ్​ చేసుకోండి. గ్రైండ్​ చేయడం కోసం కొద్దిగా నీళ్లను పోసుకోండి.
• ఇప్పుడు స్టౌపై పాన్​ పెట్టి ఆయిల్​ వేయండి. నూనె వేడయ్యాక కట్​ చేసిన వంకాయలను వేసి 5 నిమిషాలు ఉడికించుకోవాలి. తర్వాత వాటిని ఒక ప్లేట్లోకి తీసుకోవాలి.
• ఇప్పుడు అదే నూనెలో ఆవాలు, జీలకర్ర, ఎండుమిర్చి, బిర్యానీ ఆకు వేసి వేపండి.
• తర్వాత పచ్చిమిర్చి, కరివేపాకులు, అల్లం వెల్లుల్లి పేస్ట్​ వేసి వేపండి. అల్లం వెల్లుల్లి పేస్ట్​ పచ్చివాసన పోయిన తర్వాత మిక్సీలో గ్రైండ్​ చేసిన మసాలా పేస్ట్​, రుచికి సరిపడా ఉప్పు, కారం, గరం మసాలా వేసి మిక్స్ చేయాలి.
• గ్రేవీలో ఆయిల్​ పైకి తేలిన తర్వాత టమాటా ముక్కలు, ఫ్రై చేసుకున్న వంకాయలు వేసి కలపండి. ఆపై ఒక గ్లాసు నీళ్లు, కొద్దిగా చింతపండు రసం పోసి కలపాలి. ఇప్పుడు స్టౌ మీడియం ఫ్లేమ్​లో ఉంచి 20 నిమిషాలు ఉడికించుకోవాలి.
• చివరిగా కొద్దిగా కొత్తిమీర తరుగు, గరం మసాలా చల్లి స్టౌ ఆఫ్ చేసుకుంటే సరిపోతుంది. ఘుమఘుమలాడే వంకాయ మసాలా కర్రీ మీ ముందుంటుంది.
• నచ్చితే ఈ రెండు రెసిపీలను ఇంట్లో ట్రై చేయండి.

ఇవి కూడా చదవండి :