ఫ్లఫ్పీ ఆమ్లెట్ : ఇతర పదార్థాలేమీ అవసరం లేదు - పెద్ద సైజ్ బన్​లాగా పొంగుతుంది - ఇలా ప్రిపేర్ చేయండి! - How to Make Fluffy Omelette Easy

Fluffy Omelette Recipe: మనలో చాలా మందికి ఆమ్లెట్ అంటే ఎంతో ఇష్టం. అయితే, ప్రతిసారి ఒకేలా తిని చాలా మందికి బోర్ కొడుతుంటుంది. అందుకే.. ఈసారి వెరైటీగా ఫ్లఫ్పీ ఆమ్లెట్​ను ట్రై చేయండి. ఈ ఫ్లఫ్ఫీ ఆమ్లెట్ టేస్ట్ చూశారంటే మళ్లీ మళ్లీ చేసుకుంటారు. మరి.. ఈ వెరైటీ ఆమ్లెట్ ఎలా ప్రిపేర్ చేయాలో ఈ స్టోరీలో తెలుసుకుందాం.

Fluffy Omelette Recipe:ఇంట్లో కోడిగుడ్లు ఉన్నాయంటే చాలు.​. చాలా మంది ఆమ్లెట్ వేసుకునేందుకు ఇష్టపడతారు. కానీ.. ఎప్పుడూ ఒకే తీరుగా వస్తుంది. టేస్ట్​ కూడా బోరింగ్​గా ఉంటుంది. మీరు కూడా ఇలాంటి ఆమ్లెట్​నే తింటున్నారా? అయితే.. మీరు అర్జెంట్​గా ఈ స్టోరీ చదవాల్సిందే. అద్దిరిపోయే ఫ్లఫ్పీ ఆమ్లెట్ రెసిపీ తీసుకొచ్చాం. మరి దీనికి కావాల్సిన పదార్థాలు ఏంటి? తయారీ విధానం ఎలా? అన్నది ఈ స్టోరీలో తెలుసుకుందాం.

కావాల్సిన పదార్థాలు

• 5 గుడ్లు
• కొద్దిగా పెప్పర్ పౌడర్
• ఒక టేబుల్ స్పూన్ వెన్న
• రుచికి సరిపడా ఉప్పు

తయారీ విధానం..

• ముందుగా రెండు గిన్నెలు తీసుకోవాలి. గుడ్లను పగలగొట్టి ఒకదాంట్లో ఎల్లో, మరో దాంట్లో ఎగ్ వైట్​ వేసుకోవాలి.
• అయితే.. ఎల్లో కేవలం 3 గుడ్లది సరిపోతుంది. తెల్ల సొన మాత్రం 5 గుడ్లది తీసుకోవాలి. టేస్ట్​ కోసం ఈ కొలతలు అవసరం.
• ఇప్పుడు బీటర్​తో పచ్చ సొనను బాగా కలపాలి. గట్టి టెక్స్చర్​ వచ్చే వరకు సుమారు 10 నిమిషాలు ఇలా చేయాలి. వీలైతే ఎలక్ట్రిక్ బీటర్​ను ఉపయోగించడం బెటర్.
• ఆ తర్వాత తెల్ల సొన కూడా ఇలానే బీటర్​తో బాగా కలపాలి. ఇది పూర్తిగా నురగలా అయ్యే వరకు బీట్ చేయాలి.
• ఇప్పుడు రెండింటినీ ఒకే గిన్నెలో వేసి మరోసారి బాగా బీట్ చేయాలి. అవి బాగా కలవడం కోసం.. ఇలా చేయాలి.
• ఆ తర్వాత స్టౌ ఆన్ చేసి పాన్ వేడయ్యాక ఈ మిశ్రమాన్ని ఆమ్లెట్​లా పోయాలి. స్టౌ మాత్రం లో-ఫ్లేమ్​లోనే ఉంచాలి.
• కాసేపయ్యాక ఆమ్లెట్ ఉబ్బుతున్న సమయంలో కాస్త వెన్న ఆమ్లెట్​ కింద నూనెలాగా వేయాలి.
• ఇలా వేసి, పై నుంచి మూత పెట్టి సుమారు 5 నిమిషాల పాటు కుక్ కానివ్వాలి.
• అనంతరం ఆమ్లెట్​పై ఉప్పు, పెప్పర్ పౌడర్​ చల్లుకుని దించేస్తే సరి.. ఫ్లఫ్పీ ఆమ్లెట్ రెడీ అయిపోతుంది.

మరో స్టైల్​లో..

• ముందుగా ఓ గిన్నెలో గుడ్లను పగలగొట్టుకోవాలి. ఈ విధానంలో తెల్ల సొన, పచ్చ సొనను వేరు చేయాల్సిన అవసరం లేదు.
• అయితే.. ఈ మిశ్రమాన్ని బీటర్ లేదా ఎలక్ట్రిక్ మిక్సర్​తో నురగ వచ్చేలా బాగా కలపాలి.
• ఇప్పుడు స్టౌ ఆన్ చేసి ఓ పాన్ పెట్టుకొని నూనె పోసుకోవాలి. మీ ఇష్టాన్ని బట్టి వెన్నను నూనె స్థానంలో వేసుకోవచ్చు.
• మీడియం ఫ్లేమ్​లో పెట్టి ఈ మిశ్రమాన్ని పాన్​పై పోసి మూత పెట్టి సుమారు రెండు నిమిషాలు ఉంచాలి.
• ఆ తర్వాత మూత తీసి పెప్పర్​ పౌడర్, ఉప్పు చల్లుకోవాలి.
• అనంతరం ఆమ్లెట్​ను మరోవైపు తిప్పేసి నిమిషంపాటు ఉంచి స్టౌ ఆఫ్ చేస్తే సరిపోతుంది.