నోరూరించే "కమ్మటి దొండకాయ పచ్చికారం" - ఇలా చేస్తే ఒక్కపూటలోనే గిన్నె మొత్తం ఖాళీ!!

-దొండకాయలతో కర్రీ, ఫ్రై రొటీన్​ -ఓ సారి ఇలా దొండకాయ పచ్చికారం ట్రై చేయండి!

Dondakaya PachiKaram in Telugu :కొంతమంది దొండకాయ కర్రీ, ఫ్రై ఏది చేసినా ఎంతో ఇష్టంగా తింటారు. కానీ.. మరి కొంతమంది ఇందుకు పూర్తి భిన్నం. దొండకాయ కర్రీ ఎంత బాగున్నా అస్సలు టేస్ట్​ చేయరు. అయితే, ఇలాంటి వారు ఒక్కసారి ఈ స్టోరీలో చెప్పిన విధంగా "దొండకాయ పచ్చికారం" ట్రై చేయండి. ఈ పద్ధతిలో కూర వండితే వద్దన్న వారు కూడా కర్రీ మరోసారి వేసుకుని ఇష్టంగా లాగిస్తారు. ఈ కర్రీఅన్నంతో పాటు, చపాతీలు, పుల్కాల్లోకి టేస్ట్​ అద్దిరిపోతుందంటే నమ్మాల్సిందే.. మరి ఇక ఆలస్యం చేయకుండా దొండకాయ పచ్చికారం ఎలా చేయాలో ఓ లుక్కేయండి..

కావాల్సిన పదార్థాలు :

• లేత దొండకాయలు - పావు కేజీ
• ఆవాలు - అర టీ స్పూన్​
• జీలకర్ర - అర టీ స్పూన్
• పచ్చిమిర్చి - 5
• ఉల్లిపాయ-1
• వెల్లుల్లి రెబ్బలు - 5
• ఉప్పు - రుచికి సరిపడా
• వాటర్-సరిపడా
• పసుపు - అర టీ స్పూన్​
• కరివేపాకు - 2 రెమ్మలు
• కొత్తిమీర తరుగు - కొద్దిగా
• పెరుగు-2 టేబుల్​స్పూన్లు
• ధనియాల పొడి- టీ​స్పూన్​
• కారం- అరటీస్పూన్
• గరం మసాలా- అరటీస్పూన్
• కసూరీ మేథి -కొద్దిగా

తయారీ విధానం:

• ముందుగా కర్రీ కోసం.. దొండకాయలను శుభ్రంగా కడిగి చివర్లు కట్​ చేసి పొడుగ్గా, సన్నగా కట్​ చేసుకోవాలి. అలాగే ఉల్లిపాయ, పచ్చిమిర్చిని కట్​ చేసుకోవాలి.
• ఇప్పుడు ఓ మిక్సీ జార్​ తీసుకుని అందులోకి కట్​ చేసిన ఉల్లిపాయ ముక్కలు, పచ్చిమిర్చి, కొద్దిగా కొత్తిమీర తరుగు, పొట్టు తీసిన వెల్లుల్లి రెబ్బలు వేసి మెత్తగా గ్రైండ్ చేసుకోవాలి.
• అనంతరం స్టవ్​ ఆన్​ చేసి కడాయి పెట్టి నూనె పోసుకోవాలి. నూనె ​ హీటెక్కిన తర్వాత ఆవాలు, జీలకర్ర, కరివేపాకు వేసి ఫ్రై చేయండి.
• ఆపై గ్రైండ్​ చేసిన ఉల్లిపాయ పేస్ట్​ వేసి పచ్చి వాసన పోయే వరకు 3 నిమిషాలు ఫ్రై చేయండి.
• తర్వాత పసుపు, రుచికి సరిపడా ఉప్పు వేసి కలపండి.
• ఇప్పుడు కట్​ చేసి పెట్టుకున్నదొండకాయ ముక్కలు వేసి మిక్స్ చేయండి. కర్రీ మాడిపోకుండా ఉండడానికి కొన్ని నీళ్లు పోసి.. గిన్నెపై మూత పెట్టి 5 నిమిషాలు మగ్గించుకోండి.
• దొండకాయ ముక్కలు ఉడికిన తర్వాత ఇందులో పెరుగు వేసి మిక్స్​ చేయండి. ఆపై కారం, ధనియాలపొడి, గరం మసాలా వేసి బాగా కలపండి.
• ఇప్పుడు మీకు గ్రేవీకి సరిపడా అరకప్పు నుంచి పావు కప్పు వరకు వాటర్​ పోసుకుని కలిపి మూత పెట్టండి.
• ఓ నాలుగు నిమిషాల తర్వాత కొత్తిమీర తరుగు, కసూరీ మేథి చేతితో నలిపి వేయండి.
• అంతే ఎంతో రుచికరమైన దొండకాయ పచ్చికారం మీ ముందుంటుంది. ఈ కర్రీ వేడివేడి అన్నం, చపాతీల్లోకి రుచి అద్భుతంగా ఉంటుంది. నచ్చితే ఇలా ఓ సారి దొండకాయ కర్రీ ట్రై చేయండి.

ఇవి కూడా చదవండి :