Mutton Korma Recipe in Telugu:ఆదివారం వచ్చిందంటే మెజార్టీ పీపుల్ ఇంట్లో నాన్వెజ్ ఉడకాల్సిందే. ఇక నాన్వెజ్లో మటన్కు సెపరేట్ ఫ్యాన్ బేస్ ఉంటుంది. ధర ఎక్కువైన సరే వారానికి ఒకసారి అయినా మటన్ తినాల్సిందే. ఇక మటన్తో బిర్యానీ, కర్రీ, వేపుడు అంటూ రకరకాలు చేసుకుని తింటుంటారు. అయితే ఎప్పుడూ ఒకటే రకమైతే బోర్ కొడుతుంది. అందుకే ఒకసారి వెరైటీగా మటన్ కుర్మా చేసుకుని తినండి. చాలా రుచిగా ఉంటుంది. దీనిని అన్నం, బిర్యానీ, చపాతీ ఇలా దేనితో తిన్నా సూపర్ టేస్టీగా ఉంటుంది. మరి ఇంకెందుకు ఆలస్యం ఈ కుర్మాకు కావాల్సిన పదార్థాలు? తయారీ విధానం ఎలాగో ఇప్పుడు తెలుసుకుందాం.
కావాల్సిన పదార్ధాలు
- ఒక కిలో మటన్
- ఒక టీ స్పూన్ పసుపు
- 2 టీ స్పూన్ల కారం
- ఒక టీ స్పూన్ ఉప్పు
- 2 టేబుల్ స్పూన్ల వేపిన శనగపప్పు
- 1 టీ స్పూన్ సోంపు గింజలు
- 2 టీ స్పూన్ల గసగసాలు
- 6 జీడిపప్పులు
- పావు కప్పు పచ్చి కొబ్బరి
- 4 టేబుల్ స్పూన్ల నూనె
- ఒక బిర్యానీ ఆకు
- 4 దాల్చిన చెక్క ముక్కలు
- 5 లవంగాలు
- 2 యాలకులు
- ఒక అనాస పువ్వు
- ఒక మరాఠి మొగ్గ
- ఒక రాతి పువ్వు
- ఒక జాపత్రి
- 3 తరిగిన ఉల్లిపాయలు
- 5 పచ్చిమిరపకాయలు
- 2 టీ స్పూన్ల అల్లం వెల్లుల్లి పేస్ట్
- 3 తరిగిన టమాటాలు
- 1 టీ స్పూన్ కల్లుప్పు
- 2 టీ స్పూన్ల ధనియాలపొడి
- 2 రెబ్బల కరివేపాకులు
- తరిగిన కొత్తిమీర
తయారీ విధానం
- ముందుగా మటన్ను తీసుకొని శుభ్రంగా కడిగి పెట్టుకోవాలి. అందులోనే పసుపు, కారం, ఉప్పు వేసి బాగా కలిపి మారినెట్ చేసుకుని పక్కన పెట్టుకోవాలి.
- తర్వాత ఒక గిన్నెలో వేపిన శనగపప్పు, సోంపు గింజలు, గసగసాలు, జీడిపప్పులు కొద్దిగా నీళ్లు పోసి పది నిముషాలు నానపెట్టుకోవాలి.
- అనంతరం మిక్సీ జార్లో నానపెట్టుకున్న పదార్ధాలు, పచ్చి కొబ్బరి ముక్కలు కొద్దిగా నీళ్లు పోసి మెత్తని పేస్టులా చేసుకొని పక్కనపెట్టుకోవాలి.
- ఇప్పుడు స్టౌ ఆన్ చేసి కుక్కర్లో నూనె పోసి వేడి చేసుకోవాలి.
- ఆ తర్వాత బిర్యానీ ఆకు, దాల్చిన చెక్క ముక్కలు, లవంగాలు, యాలకులు, అనాస పువ్వు, మరాఠి మొగ్గ, రాతి పువ్వు, జాపత్రి వేసి వేయించుకోవాలి.
- ఇప్పుడు సన్నగా తరిగిన ఉల్లిపాయ ముక్కలు, పచ్చి మిరపకాయలు వేసి ఉల్లిపాయలు బంగారు రంగులో వచ్చేంత వరకు ఫ్రై చేసుకోవాలి.
- ఆ తర్వాత అల్లం వెల్లుల్లి పేస్ట్ వేసి కాసేపయ్యాక టమాటా ముక్కలు వేసి ఐదు నిమిషాలు మగ్గించుకోవాలి.
- అనంతరం మారినాట్ చేసుకున్న మటన్ ముక్కలు వేసి బాగా కలుపుకోవాలి.
- ఇప్పుడు ఇందులో కల్లుప్పు, ధనియాలపొడి, కరివేపాకులు వేసి కలిపి 5 నిమిషాల తర్వాత అర కప్పు నీళ్లు పోసి కలిపి మూత పెట్టి ఐదు విజిల్స్ వచ్చేంత వరకు మీడియం ఫ్లేమ్లో ఉడికించుకోవాలి.
- ఆ తర్వాత స్టౌ ఆఫ్ చేసుకొని ప్రెషర్ పూర్తిగా పోయేంతవరకు పక్కనపెట్టుకోవాలి.
- కుక్కర్ ప్రెషర్ పోయిన తర్వాత మూత తీసి స్టౌ ఆన్ చేసి ముందుగా రుబ్బుకున్న మసాలా పేస్ట్ వేసి కలిపి మరో 5 నిమిషాలు మీడియం ఫ్లేమ్లో ఉడికించుకోవాలి.
- ఇక చివర్లో కొత్తిమీర, కరివేపాకు వేసి కలిపి దించేసుకుంటే ఎంతో టేస్టీ హోటల్ స్టైల్ మటన్ కుర్మా రెడీ
దూదిలాంటి మెత్తటి 'స్పాంజ్ సెట్ దోశ'- రొటీన్గా కాకుండా ఇలా ఈజీగా చేసుకోండి! టేస్ట్ అదుర్స్!!
నూనె లేకుండానే టేస్టీ 'చిల్లీ చికెన్'- ఇంట్లోనే రెస్టారెంట్ స్టైల్లో చేసుకోవచ్చు!
