ఆడవాళ్లూ మల్లెపూలు పెట్టుకుంటున్నారా? - అయితే మీకో షాకింగ్​ న్యూస్​! - Wearing Jasmine Side Effects

Wearing Jasmine Side Effects: వేసవి సీజన్లో లభించే పుష్పాలలో మల్లెలదే అగ్రస్థానం. ఇక వీటిని సిగలో సింగారించుకోవడానికి మహిళలు ఎంతగానో ఇష్టపడతారు. అయితే.. తాజాగా మల్లెపూలకు సంబంధించిన ఓ విషయం వైరల్​ అవుతుంది. మల్లెపూలు పెట్టుకోవడం వల్ల అనేక రకాల సమస్యలు వస్తాయని నిపుణులు హెచ్చరిస్తున్నారు!

Are You Wearing Jasmine?:వేసవి కాలం అంటే మండే ఎండలు, ఉక్కిరిబిక్కిరి చేసే ఉక్కపోతలే కాదు.. వేసవి అంటే మల్లెల పరిమళాలు కూడా! ఎండాకాలంలోనే మల్లెలు విరగబూస్తాయి. బజారుల్లో గుట్టలు గుట్టలుగా కనిపిస్తాయి. ఇక ఆడవారికి మల్లెపూలంటే ఎంత ఇష్టమో ప్రత్యేకంగా చెప్పక్కర్లేదు. భర్త ఓ మూర మల్లెలు తెస్తే ఎంతగానో మురిసిపోతారు. అయితే.. ఇంట్లో, తోటలో లభించే మల్లెపూలు పరిమళం వెదజల్లితే.. మార్కెట్లో లభించే మల్లెలు మాత్రం విషాన్ని వ్యాపింపజేస్తున్నాయని ఆరోగ్య నిపుణులు హెచ్చరిస్తున్నారు. మరి.. ఆ వివరాలేంటో ఈ స్టోరీలో చూద్దాం..

మల్లెపూలు ఎంత ఫ్రెష్​గా ఉంటే అంత సువాసన వెదజల్లుతాయి. అయితే.. నిజమైన మల్లెలు సిగలో పెట్టుకున్న కొద్దిసేపటికి వాడిపోతుంటాయి. మరి.. మార్కెట్లో అలా గాలికి పెడితే వెంటనే వాడిపోతాయి కదా.. అందుకే వ్యాపారులు మల్లెలను కెమికల్స్​తో ముంచుతున్నారట! ఎంతసేపైనా మల్లె పూలు వాడిపోకుండా ఉండడానిక పలు రకాల రంగులు, రసాయనాలను వాడుతున్నారట. ఇవే మనుషుల ఆరోగ్యాన్ని ప్రమాదంలో పడేస్తున్నాయని నిపుణులు అంటున్నారు.

పూలు ఎక్కువసేపు తాజాగా ఉండేందుకు కాపర్ సల్పేట్ కలిపిన నీటిలో మల్లెపూలను ముంచి తీస్తున్నారట. ఇలా చేసిన పూలు కొన్ని గంటల పాలు ఫ్రెష్​గా కనిపిస్తాయి. ఈ విషయం తెలియని చాలా మంది మహిళలు పూలు ఫ్రెష్​గా ఉన్నాయని కొనుగోలు చేస్తుంటారు. కాపర్​ సల్ఫేట్​ నీటిలో ముంచిన మల్లెపూలు పెట్టుకోవడం వల్ల చర్మ క్యాన్సర్ వచ్చే అవకాశాలు ఉన్నాయని నిపుణులు చెబుతున్నారు. అంతే కాకుండా ఇతర ఆరోగ్య సమస్యలు ఎటాక్​ అయ్యే అవకాశం ఉందంటున్నారు.

చర్మంపై దద్దుర్లు: కాపర్ సల్ఫేట్ ఒక విషపూరితమైన రసాయనం. కాపర్ సల్ఫేట్ నీటిలో ముంచిన మల్లెపూలు పెట్టుకోవడం వల్ల చర్మానికి చికాకు కలిగించి, దద్దుర్లు, దురద, చర్మం ఎరుపు, వాపు వంటి సమస్యలకు దారితీస్తుందని అంటున్నారు.

కళ్ల సమస్యలు: కాపర్ సల్ఫేట్ కళ్లలోకి వెళ్లడం వల్ల కళ్లు మండడం, దురద, నీరు కారడం, చూపులో ఇబ్బంది వంటి సమస్యలు వచ్చే అవకాశం ఉందని అంటున్నారు. అంతే కాకుండా వికారం, వాంతులు, విరేచనాలు, కడుపు నొప్పి, తలనొప్పి, తలతిప్పడం, మూర్ఛ వంటి సమస్యలు కూడా వచ్చే అవకాశం ఉందన్నారు.

శ్వాసకోశ సమస్యలు: కాపర్ సల్ఫేట్ నీటిలో ముంచిన మల్లెపూలు వాసన పీల్చడం వల్ల దగ్గు, శ్వాస తీసుకోవడంలో ఇబ్బంది, ఛాతీ నొప్పి, శ్వాసకోశ వాపు వంటి సమస్యలు ఎదురవుతాయని అంటున్నారు. 2019లో ఇన్‌హేలేషన్ టాక్సికాలజీ జర్నల్‌లో ప్రచురితమైన అధ్యయనం ప్రకారం.. కాపర్ సల్ఫేట్ నీటిలో ముంచిన మల్లెపూలు వాసన పీల్చడం వల్ల దగ్గు, శ్వాస తీసుకోవడంలో ఇబ్బంది వంటి సమస్యలను అనుభవించారని కనుగొన్నారు. ఈ పరిశోధనలో చైనా షాంఘైలోని షాంఘై పబ్లిక్ హెల్త్ సెంటర్ (Shanghai Public Health Center)లో పనిచేసే ప్రముఖ పల్మనాలజిస్ట్​ డాక్టర్ జాంగ్ యాన్ (Dr. Zhang Yan) పాల్గొన్నారు. కాపర్ సల్ఫేట్ ఊపిరితిత్తుల పనితీరును కూడా తగ్గిస్తుందని వారు పేర్కొన్నారు.

NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.