ఈ పదార్థాలు పచ్చిగా తినడం కంటే - ఉడికించి తింటే 'డబుల్​' బెనిఫిట్స్​! - Benefits of EATING BOILED FOODS

These Foods Have Double Benefits When Boiled Than Raw : ఈ మధ్య కాలంలో కొంతమంది ఆరోగ్యానికి మంచిదని పచ్చి కూరగాయలను తింటున్నారు. అయితే, కొన్ని రకాల ఆహార పదార్థాలను పచ్చిగా తినడం కంటే.. ఉడికించి తినడం వల్ల ఎక్కువ పోషకాలు మన శరీరానికి అందుతాయని నిపుణులు చెబుతున్నారు. ఆ ఆహార పదార్థాలు ఏంటో ఇప్పుడు చూద్దాం.

These Foods Have Double Benefits When Boiled Than Raw : ప్రస్తుత కాలంలో ప్రజలకు ఆరోగ్యం పట్ల అవగాహన పెరిగింది. హెల్దీగా ఉండటానికి రోజూ సమతుల ఆహారం తీసుకుంటున్నారు. అయితే, కొంతమంది ఆహార పదార్థాలలోనిపోషకాలు నశిస్తాయని.. కొన్నింటిని ఉడికించకుండా పచ్చిగానే తింటుంటారు. కానీ, ఈ ఆహార పదార్థాలు మాత్రం పచ్చిగా తినడం కంటే.. ఉడికించిన తర్వాతతినడం వల్ల ఎక్కువ పోషకాలు మన శరీరానికి అందుతాయని నిపుణులంటున్నారు. అవి ఏంటో ఇప్పుడు చూద్దాం.

బ్రోకలీ :కాలిఫ్లవర్‌ వంటి క్రూసిఫెరస్‌ కూరగాయల జాతికి చెందిన బ్రోకలీలో పోషకాలు ఎక్కువగా ఉంటాయి. అలాగే విటమిన్‌ సి, ఫోలెట్‌ వంటివి అధికంగా లభిస్తాయి. కాగా బ్రోకలీని చాలా మంది సలాడ్ల రూపంలో పచ్చివి తింటుంటారు. అయితే బ్రోకలీని పచ్చిగా కన్నా పూర్తిగా ఉడికించి తినడం వల్ల ఎక్కువ పోషకాలు శరీరానికి అందుతాయని నిపుణులు చెబుతున్నారు.

ఎగ్స్‌ :ఆరోగ్యంగా ఉండటానికి ప్రతిరోజు ఒక కోడిగుడ్డు తినాలని ఆరోగ్య నిపుణులు సూచిస్తుంటారు. ఎందుకంటే.. ఎగ్‌లో మన శరీరానికి కావాల్సిన పోషకాలు, విటమిన్‌లు అన్ని ఉంటాయి. అయితే, కొంతమంది గుడ్లను పచ్చిగానే తింటుంటారు. అయితే ఇలా గుడ్డును పచ్చిగా తీసుకోవడం వల్ల పోషకాలు అన్ని శరీరానికి అందవని.. ఉడికించిన గుడ్ల వల్ల పోషకాలు అందుతాయని అంటున్నారు.

2007లో 'అమెరికన్ జర్నల్ ఆఫ్ క్లినికల్ న్యూట్రిషన్'లో ప్రచురించిన అధ్యయనం ప్రకారం.. పచ్చి గుడ్డు తినే వారిలో బయోటిన్ స్థాయిలు.. ఉడికించిన గుడ్డు తినే వారి కంటే తక్కువగా ఉన్నాయని పరిశోధకులు కనుగొన్నారు. ఈ అధ్యయనంలో న్యూయార్క్‌లోని మౌంట్ సినాయి స్కూల్ ఆఫ్ మెడిసిన్‌కు చెందిన 'డాక్టర్‌ డేవిడ్ జె. లీ.' పాల్గొన్నారు. ఉడికిన కోడిగుడ్డు తినడం వల్ల బయోటిన్‌ స్థాయులు ఎక్కువగా శరీరానికి అందుతాయని.. ఇది అనేక ప్రయోజనాలను కలిగిస్తాయని ఆయన పేర్కొన్నారు.

రాజ్మా, శనగలు :బీన్స్‌, పప్పులు, శనగల వంటి ధాన్యాలలో పోషకాలు పుష్కలంగా ఉంటాయి. మన శరీరానికి కావాల్సిన పిండిపదార్థాలు, ప్రొటీన్లు, విటమిన్‌లు ఇందులో అధికంగా లభిస్తాయి. పచ్చిగా కంటే వీటిని బాగా ఉడికించిన తర్వాత తినడం వల్ల పోషకాలు మరింత ఎక్కువగా అందుతాయని నిపుణులు చెబుతున్నారు.

చిలగడదుంప :చిలగడదుంపలో బీటా కెరోటిన్‌, శక్తివంతమైన యాంటీ ఆక్సిడెంట్లు, విటమిన్‌ ఇ అధికంగా లభిస్తాయి. కొంతమంది వీటిని పచ్చిగా తింటే, మరికొంతమంది కాల్చి తింటుంటారు. కానీ, వీటిని కాల్చి తినడం కంటే.. ఉడికించి తినడం వల్ల ఎక్కువ పోషకాలు శరీరానికి అందుతాయని నిపుణులు చెబుతున్నారు. అలాగే సులభంగా జీర్ణమవుతుందని పేర్కొన్నారు.

NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.