Tollywood Movies Based On Uttarandhra :ఒకప్పుడు రాయలసీమ నేపథ్యంగా సాగే యాక్షన్‌ సినిమాలు తెలుగు తెరపై సందడి చేశాయి. ఈ మధ్యలో కొన్ని తెలంగాణ నేపథ్య కథల కూడా ప్రేక్షకులను అలరించాయి. ఇప్పుడు ఉత్తరాంధ్ర కథల వంతైంది . ఈ యాస్, ఈ బ్యాక్డ్రాప్లో సినిమాలను తెరకెక్కించేందుకు డైరెక్టర్లు ఆస్తక్తి చూపిస్తున్నారు. అక్కడి అందాలను, అక్కడి అలవాట్లను ఆడియెన్స్ను చూపించేందుకు ప్రయత్నిస్తున్నారు. ఈ నేపథ్యంలో టాలీవుడ్లో సందడి చేయనున్న ఉత్తరాంధ్ర సినిమాలేంటో ఓ లుక్కేద్దామా.
ఎమోషనల్ జర్నీలో చెర్రీ
మెగా పవర్ స్టార్ రామ్‌చరణ్‌ లీడ్ రోల్లో ఉప్పెన ఫేమ్ బుచ్చిబాబు సాన డైరెక్షన్లో ఓ సినిమా తెరకెక్కనుంది. మైత్రీ మూవీ మేకర్స్‌ వెంకట సతీష్‌ కిలారు ఈ సినిమాకు నిర్మాతగా వ్యవహరించనున్నారు. ఈ మూవీ కూడా పూర్తిగా ఉత్తరాంధ్ర నేపథ్యంలోనే సాగనుందని సమచారం. ఓ ఆటను ప్రధానంగా చేసుకొని బలమైన భావోద్వేగాలతో నిండిన సినిమాగా దీన్ని తయారు చేయనున్నట్లు తెలుస్తోంది. ఇప్పుడు ఈ సినిమా కోసం ఉత్తరాంధ్ర యాసను అనర్గళంగా మాట్లాడగల కొత్త నటీనటులను కూడా ఆడిషన్ చేస్తున్నారు. చెర్రీ కూడా ఉత్తరాంధ్ర యాస నేర్చుకుంటున్నారట. సమ్మర్లో ఈ సినిమా షూటింగ్ ప్రారంభం కానుందట.
బుజ్జి కోసం 'తండేల్'
నాగచైతన్య లీడ్ రోల్లో రానున్న 'తండేల్' సినిమా కూడా ఉత్తరాంధ్ర నేపథ్యంలో తెరకెక్కనుంది. పాకిస్థాన్‌ తీర సైన్యానికి అనుకోకుండా పట్టుబడిన ఓ జాలరి జీవిత కథ ఆధారంగా ఈ సినిమా రూపందుతోంది. ఇటీవలే వచ్చిన గ్లింప్స్లో చైతూ ఈ యాసలో మాట్లాడి ఆడియెన్స్ను ఆకట్టుకున్నారు.