Two Films Same Title : సినిమా ఇండస్ట్రీలో అప్పుడప్పుడూ విచిత్రమైన సంఘటనలు జరుగుతుంటాయి. ఉదాహరణకు ఒకే తేదీన ఎక్కువ సినిమాలు రిలీజ్ అవుతూ, కొన్ని సినిమాలు వాయిదా పడిన పరిస్థితులు చూసే ఉంటారు. మరి ఒకే పేరుతో రెండు సినిమాలు రిలీజ్ అవ్వడం ఎప్పుడైనా చూశారా? అదెలా జరుగుతుందని అనుకుంటున్నారా? ఇప్పుడు అలాంటి విచిత్రమైన సందర్భమే నెలకొంది. సినీ ఇండస్ట్రీలో ప్రస్తుతం ఇది చర్చనీయాంశంగా మారింది.
తాజాగా రెండు కొత్త సినిమాల మేకర్స్ తమ చిత్రాల టైటిల్స్‌ని ప్రకటించారు. ఇక్కడ ట్విస్ట్ ఏంటంటే, రెండు సినిమాల తెలుగు వెర్షన్‌ టైటిల్ ఒకటే. ఇంకా ఆసక్తికరమైన విషయం ఏమిటంటే, ఈ రెండు సినిమాలు ఆయా హీరోల కెరీర్‌లో 25వ మూవీలు కావడం గమనార్హం.
కోలీవుడ్ స్టార్ విజయ్ ఆంటోని 25వ సినిమా టైటిల్ను మేకర్స్ రివీల్ చేశారు. అరుణ్ ప్రభు దర్శకత్వం వహిస్తున్న ఈ సినిమాకు 'శక్తి తిరుమగణ్‌' అని తమిళ్ టైటిల్ ప్రకటించారు. తెలుగు సహా మిగిలిన భాషల్లో దీనికి 'పరాశక్తి' పేరు ఫిక్స్ చేశారు. ఇదిలా ఉండగా, కొన్ని గంటల్లోనే మరో స్టార్ హీరో శివకార్తికేయన్ లేటెస్ట్ మూవీ టైటిల్ మేకర్స్ రివీల్ చేశారు. సుధా కొంగర దర్శకత్వం వహిస్తున్న ఈ సినిమాకు కూడా 'పరాశక్తి' అనే టైటిల్ ఖరారు చేసినట్లు బుధవారం ప్రకటించారు. ఈ మేరకు టైటిల్ టీజర్‌ను కూడా విడుదల చేశారు. అయితే ఇది శివకార్తికేయన్కు కూడా ఇది 25వ సినిమానే కావడం విశేషం.
అయితే రెండు సినిమాల టైటిళ్లు ఒకేలా ఉండడం అందర్నీ ఆశ్చర్యపరుస్తోంది. ఈ సినిమాల ఒరిజినల్ టైటిల్ వేరుగా ఉన్నా, తెలుగులో మాత్రం ఒకే టైటిల్ ప్రకటించారు. ముందు రెండు సినిమాలకి ఒకే టైటిల్‌ని ఎలా అప్రూవ్‌ చేశారని నెటిజన్లు చర్చించుకుంటున్నారు. మరి ఈ పరిస్థితిపై రెండు సినిమాల నిర్మాతలు ఎలా స్పందిస్తారో చూడాలి.
#Parashakthi 🤯
— Kolly Corner (@kollycorner) January 29, 2025
SivaKarthikeyan x VijayAntony pic.twitter.com/pqupkJuxhy
రూల్స్ ఇవే!
ఒకే టైటిల్ ఒకే సమయంలో రెండు సినిమాలు ఇవ్వడం దాదాపు అసాధ్యం. అయితే ఇది పోరపాటున జరిగిందా లేదా ఇరువురి అవగాహనతోనే జరిగిందా తెలీదు. కానీ, ఒక టైటిల్తో సినిమా వస్తే, దాదాపు 25ఏళ్ల వరకు ఆ టైటిల్ రిపీట్ కాకుడదని నిబంధనల్లో ఉందని తెలుస్తోంది.
ఇలా చేస్తే నో టెన్షన్!
ఒకేసారి ఒకే టైటిల్తో సినిమాలు రిలీజ్ అయితే సమస్య. పాత సినిమా పేర్లు పెట్టుకుంటే అదో ఆకర్షణే తప్ప ఇబ్బందులు తీసుకురాదు. డైరెక్టర్‌ రామ్ అబ్బరాజు, హీరో శర్వానంద్ కాంబోలో రాబోతున్న సినిమాకి 'నారి నారి నడుమ మురారి' అనే పేరు పెట్టారు. ఇది బాలయ్య సూపర్‌ హిట్‌ మూవీ టైటిల్. సినిమాలో సాక్షి వైద్య, సంయుక్త మేనన్, సాక్షి వైద్య హీరోయిన్లుగా యాక్ట్‌ చేస్తున్నారు.
'అమరన్'తో శివ కార్తికేయన్ రేర్ ఫీట్!-మూడు రోజుల్లో రూ.100 కోట్ల క్లబ్లోకి!
Bichagadu 2 Collections : జోరు మీదున్న 'బిచ్చగాడు 2'.. రెండో రోజు అదిరిపోయే వసూళ్లు
