ఆంధ్ర స్టైల్ "ముద్దపప్పు" - అందరికీ పర్ఫెక్ట్​గా చేయరాదు - మీరు ఇలా ట్రై చేయండి

- పక్కా కొలతలతో చేస్తే అమృతమే! - ఇంటిల్లిపాదీ లొట్టలేసుకుంటూ తింటారంతే!

Andhra Style Mudda Pappu Recipe in Telugu : మెజార్టీ పీపుల్ ఎక్కువగా ఇష్టపడే రెసిపీలలో ఒకటి పప్పు. ఇందులో ఎన్నో రకాల రెసిపీలు ఉన్నాయి. వాటిలో ముద్దపప్పు చాలా ఫేమస్. అయితే, ఈ ముద్దపప్పుని పర్ఫెక్ట్​గా చేయడం అందరికీ రాదు. ఆంధ్ర స్టైల్​లో పక్కాగా ప్రిపేర్ చేయాలంటే కొన్ని టిప్స్ పాటించాలి. ఇలా చేస్తే టేస్ట్ అద్భుతంగా ఉంటుంది. పిల్లల నుంచి పెద్దల వరకు అందరూ లొట్టలేసుకుంటూ తింటారు!

ముఖ్యంగా ఆవకాయ, ఏదైనా పులుసు రెసిపీలోకి దీన్ని సైడ్ డిష్​గా చేసుకున్నారంటే ఆ కాంబినేషన్ అద్దిరిపోతుంది! లేదంటే వేడివేడి అన్నంలో కాస్త నెయ్యి వేసుకొని తిన్నా ఆ టేస్ట్ వేరే లెవల్​. మరి, ఈ సూపర్ టేస్టీ రెసిపీకి కావాల్సిన పదార్థాలేంటి? ఎలా ప్రిపేర్ చేసుకోవాలి? అనే వివరాలు ఈ స్టోరీలో తెలుసుకుందాం.

కావాల్సిన పదార్థాలు :

• కందిపప్పు - అరకప్పు
• పసుపు - అరచెంచా
• ఉప్పు - రుచికి సరిపడా

తాలింపు కోసం :

• నెయ్యి - 2 టేబుల్​స్పూన్లు
• ఇంగువ - పావుటీస్పూన్
• జీలకర్ర - అరచెంచా

తయారీ విధానం :

• ఇందుకోసం ముందుగా స్టౌపై కడాయి పెట్టుకొని కందిపప్పుని మీడియం ఫ్లేమ్ మీద, రంగు మారి మంచి సువాసన వచ్చేంత వరకు గరిటెతో కలుపుతూ వేయించుకోవాలి.
• ఆ విధంగా వేయించుకున్నాక దింపేసి కందిపప్పును ఒకసారి శుభ్రంగా కడగాలి. ఆ తర్వాత స్టౌపై కుక్కర్ పెట్టుకొని కడిగిన కందిపప్పును అందులో వేసుకోవాలి.
• ఆపై ఒకటిన్నర కప్పుల వరకు వాటర్, పసుపు యాడ్ చేసుకొని కలిపి మీడియం ఫ్లేమ్ మీద 6 నుంచి 7 విజిల్స్ వచ్చేంత వరకు ఉడికించుకోవాలి.
• అలా ఉడికించుకున్నాక కుక్కర్​లోని ప్రెషర్ మొత్తం పోయాక మూత తీసి ఉప్పు వేసుకొని పప్పు గుత్తితో మెత్తగా మాష్ చేసుకోవాలి. పప్పుని పలుకులు లేకుండా వెన్నలా ఉండేలా రుబ్బుకోవాలి.
• ఒకవేళ మీకు పప్పు గుత్తితో మాష్ చేసుకోవడం ఇబ్బందిగా అనిపిస్తే మిక్సీలో వేసుకొని మెత్తగా మిక్సీ పట్టుకోవచ్చు. అలాగే, మీరు వాటర్ కాస్త ఎక్కువ వేసుకున్నట్లయితే కొద్దిసేపు స్టౌపై ఉడికించుకున్నాక మెత్తగా మాష్ చేసుకోవాలి.
• ఇప్పుడు తాలింపుని ప్రిపేర్​ చేసుకోవాలి. ఇందుకోసం స్టౌపై చిన్న కడాయి పెట్టుకొని నెయ్యి వేసుకోవాలి. అది కరిగి వేడయ్యాక ఇంగువ, జీలకర్ర వేసి వేయించుకోవాలి.
• అనంతరం ఆ తాలింపుని ముందుగా మాష్ చేసుకొని పక్కన పెట్టుకున్న పప్పులో వేసి మొత్తం కలిసేలా ఒకసారి చక్కగా కలుపుకోవాలి. అంతే, ఎంతో రుచికరంగా ఉండే ఆంధ్ర స్టైల్ "ముద్దపప్పు" రెడీ!
• మరి, నచ్చితే మీరూ ఓసారి ఇలా ముద్దపప్పును ట్రై చేయండి. ఒక్కసారి తిన్నారంటే మళ్లీ మళ్లీ కావాలంటారు.