Inter Hall Tickets Will Sent To Phones : ఇంటర్మీడియట్ విద్యార్థుల ఫోన్లకే హాల్ టికెట్లు రానున్నాయి. గతంలో కేవలం కాలేజీలకే హాల్ టికెట్లను బోర్డు పంపించేది. ఆ తర్వాత వెబ్సైట్లో పెట్టి డౌన్లోడ్ చేసుకోవాలనేవారు. ఇప్పుడు విద్యార్థులు ఇచ్చిన ఫోన్ నంబర్కు నేరుగా హాల్ టికెట్ లింక్ను ఇంటర్ బోర్డు పంపించనుంది. ఆ లింక్లో డౌన్లోడ్ చేసుకొని ప్రింట్ తీసుకోవాలని ఓ అధికారి తెలిపారు. ఏవైన సందేహాలుంటే కాలేజీ సిబ్బందిని అడిగి తెలుసుకోవాలన్నారు. డౌన్లోడ్ చేసుకునేందుకు సమస్యలు తలెత్తితే కళాశాలకు వచ్చి సమస్య తెలియజేయాలన్నారు.
ఇవాళ్టి నుంచి ఇంటర్ ఫస్ట్ ఇయర్ విద్యార్థులకు ఇంటర్నల్ పరీక్షలు జరుగుతున్నందున ఇప్పటికే హాల్ టికెట్లను విద్యార్థులకు పంపించారు. సెకండ్‌ ఉయర్‌ విద్యార్థులకు ఫిబ్రవరి 3 నుంచి ప్రాక్టికల్స్‌ ఉన్నాయి. వారి కూడా త్వరలోనే పంపిస్తామని పేర్కొన్నారు. రాష్ట్రంలో సుమారు 9.50 లక్షల మంది విద్యార్థులు మార్చి 5వ తేదీ నుంచి ప్రారంభమయ్యే వార్షిక పరీక్షలకు హాజరుకానున్నారు.
| ఇంటర్ మొదటి సంవత్సరం పరీక్షల తేదీలు | |
| 05-03-2025 | సెకండ్‌ లాంగ్వేజ్ పేపర్-1 |
| 07-03-2025 | ఇంగ్లిష్‌ పేపర్-1 |
| 11-03-2025 | గణితం పేపర్-1ఏ; బోటనీ పేపర్-1; పొలిటికల్‌ సైన్స్‌ పేపర్-1 |
| 13-03-2025 | గణితం పేపర్ -2బి; జువాలజీ పేపర్-1; హిస్టరీ పేపర్-1 |
| 17-03-2025 | ఫిజిక్స్ పేపర్-1; ఎకనామిక్స్‌ పేపర్-1 |
| 19-03-2025 | మిస్ట్రీ పేపర్-1; కామర్స్‌ పేపర్-1 |
| 19-03-2025 | పబ్లిక్‌ అడ్మినిస్ట్రేషన్‌ పేపర్-1; బ్రిడ్జ్‌ కోర్సు గణితం పేపర్-1 (బైపీసీ విద్యార్థులకు) |
| 24-03-2025 | మోడ్రన్‌ లాంగ్వేజ్ పేపర్-1; జాగ్రఫీ పేపర్-1 |
కొన్ని రోజుల్లో ఇంటర్మీడియట్ ఎగ్జామ్స్ ప్రారంభం - మీ పిల్లలు ఒత్తిడితో ఉంటే ఇలా చేయండి
| ఇంటర్ ద్వితీయ సంవత్సరం పరీక్షల తేదీలు | |
| 06-03-2025 | సెంకడ్‌ లాంగ్వేజ్ పేపర్-2 |
| 10-03-2025 | ఇంగ్లిష్‌ పేపర్-2 |
| 12-03-2025 | గణితం పేపర్ -2ఏ; బోటనీ పేపర్-2; పొలిటికల్‌ సైన్స్‌ పేపర్-2 |
| 15-03-2025 | గణితం పేపర్ -2బి; జువాలజీ పేపర్-2; హిస్టరీ పేపర్-2 |
| 18-03-2025 | ఫిజిక్స్ పేపర్-2; ఎకనామిక్స్‌ పేపర్-2 |
| 20-03-2025 | కెమిస్ట్రీ పేపర్-2; కామర్స్‌ పేపర్-2 |
| 22-03-2025 | పబ్లిక్‌ అడ్మినిస్ట్రేషన్‌ పేపర్-2; బ్రిడ్జ్‌ కోర్సు గణితం పేపర్-2 (బైపీసీ విద్యార్థులకు) |
| 25-03-2025 | మోడ్రన్‌ లాంగ్వేజ్ పేపర్-2; జాగ్రఫీ పేపర్-2 |
ఈ నిర్ణయం వెనక్కి తీసుకోకపోతే పరీక్ష కేంద్రాలు ఇవ్వం : మరోవైపు ఇంటర్ ప్రాక్టికల్స్‌కు ప్రయోగశాలల్లో సీసీ కెమెరాలు ఏర్పాటు చేయాలనే నిర్ణయాన్ని బోర్టు ఉపసంహరించుకోకపోతే రాష్ట్రవ్యాప్తంగా థియరీ పరీక్షలకు కేంద్రాలను ఇవ్వబోమని తెలంగాణ ప్రైవేట్‌ జూనియర్‌ కళాశాలల యాజమాన్యాల సంఘం అధ్యక్షుడు గౌరి సతీశ్ తెలిపారు. ఈ మేరకు బోర్డును హెచ్చరించారు. త్వరగా నిర్ణయం తీసుకుంటే విద్యార్థులకు ఎలాంటి సమస్యలు ఎదురుకావన్నారు. బుధవారం జరిగిన సంఘం రాష్ట్రం జనరల్ బాడీ సమావేశంలో ఆయన మాట్లాడారు. దీనిపై సీపీఐ ఎమ్మెల్యే కూనంనేని మాట్లాడుతూ ఈ విషయం సీఎంతో చర్చిస్తామన్నారు.
పరీక్షల్లో ఎక్కువ మార్కులు సాధించాలా? - ఈ టిప్స్ ఫాలో అయితే ఇట్టే వచ్చేస్తాయి!
