Sundeep Kishan Mayaone Teaser :టాలీవుడ్ స్టార్ హీరో సందీప్ కిషన్ లీడ్ రోల్లో వచ్చిన తమిళ మూవీ 'మాయావన్'. సైన్స్ ఫిక్షన్గా తెరకెక్కిన ఈ మూవీ అప్పట్లో బాక్సాఫీస్ వద్ద మంచి టాక్ అందుకుంది. 2017లో విడుదలైన ఈ చిత్రం తెలుగులోనూ ప్రాజెక్ట్ -z గా వచ్చి ఇక్కడి ప్రేక్షకులను ఆకట్టుకుంది. అయితే దాదాపు ఏడేళ్ల తర్వాత ఇప్పుడు ఈ సినిమాకు సీక్వెల్ రాబోతోంది. 'మాయా-వన్‌' అనే పేరుతో విడుదల కానుంది. తాజాగా ఈ మూవీ టీజర్‌ను మేకర్స్ నెట్టింట విడుదల చేశారు.
" ఓ సారి పురాణాలను దాటి వచ్చి చూస్తే, తనను తాను దేవుడిగా భావించిన ప్రతి మనిషీ మారింది రాక్షసుడిగా మాత్రమే. అలా రాక్షసుడు పుట్టికొచ్చినప్పుడల్లా ఆ దేవుడు పంపేది మొండితనాన్ని ఆయుధంగా మార్చుకుని పోరాడే ఒక సామాన్యుడిని" అంటూ నటుడు మురళీ శర్మ చెప్పిన డైలాగ్తో టీజర్ ఆద్యంతం ఆసక్తికరంగా సాగింది.
ఇక ఫస్ట్ పార్ట్లాగే ఈ సీక్వెల్ కూడా పూర్తి సైన్స్ ఫిక్షన్ జానర్‌లో రానున్నట్లు తెలుస్తోంది. అంతే కాకుండా తొలి భాగాన్ని మించి ఇందులో థ్రిల్లింగ్ ఎలిమెంట్స్‌ ఎక్కువ ఉండనున్నట్లు తెలుస్తోంది. ప్రాజెక్ట్-జెడ్‌ను రూపొందించిన సీవీ కుమార్‌ ఈ చిత్రానికి డైరెక్టర్గా వ్యవహరిస్తున్నారు.