Ritesh Genelia On Ramoji Rao Demise: ఈనాడు గ్రూప్ సంస్థల అధినేత రామోజీరావుకు సినిమాల విషయంలో ప్రత్యేకమైన అభిరుచి ఉంది. యధార్థ ఘటనలను ఇన్స్పిరేషన్గా తీసుకుని వాటిని సినిమాలుగా మలిచి ఇండస్ట్రీకి ఎన్నో క్లాసిక్ హిట్స్ అందించారు. ఈ క్రమంలోనే ఆయన ఎంతో మంది కొత్త తారలను చిత్ర పరిశ్రమకు అందించారు. ఉషాకిరణ్ మూవీస్ బ్యానర్ ద్వారా తెలుగులోనే కాకుండా ఇతర భాషల్లోనూ ఆయన సినిమాలు నిర్మించి అక్కడి ప్రేక్షకులను చేరువయ్యారు.
ఇలా తన విజన్తో ఎంతో మందికి ఇన్స్పిరేషన్గా నిలిచిన రామోజీ మరణ వార్త యావత్ సినీ ఇండస్ట్రీని కలచివేసింది. ఈ నేపథ్యంలో తెలుగు, తమిళం, హిందీ సహా ఆయా ఇండస్ట్రీలకు చెందిన పలువురు సినీ నటులు సోషల్ మీడియా వేదికగా ఆయన మృతి పట్ల సంతాపం తెలుపుతున్నారు. ఆయనతో ఉన్న అనుబంధాన్ని ఈ సందర్భంగా గుర్తు చేసుకుని భావోద్వేగానికి లోనవుతున్నారు.
ఇక రామోజీరావు ఇండస్ట్రీకి పరిచయం చేసిన తారల్లో బాలీవుడ్ నటులు రితేశ్ దేశ్ముఖ్, జెనీలియా కూడా ఉన్నారు. ఆయన 2004లో నిర్మించిన 'తుఝే మేరీ కసమ్' అనే చిత్రం ద్వారా ఈ జంట హిందీ చిత్ర పరిశ్రమలోకి అడుగుపెట్టింది. ఆ సినిమా అప్పట్లోనే బాక్సాఫీస్ వద్ద మంచి విజయం సాధించి ఈ ఇద్దరికీ మంచి బ్రేక్ ఇచ్చింది. ఆ తర్వాత జెనీలియా టాప్ స్టార్గా ఎదిగి తెలుగులో రామ్, విష్ణు, నితిన్ సహా అనేక మంది అగ్ర హీరోల సరసన నటించింది. ఇక రితేశ్ కూడా ప్రస్తుతం బాలీవుడ్లో టాప్ హీరోగా కొనసాగుతున్నారు.