Prabhas Injured :పాన్ఇండియా స్టార్ ప్రభాస్ స్వల్పంగా గాయపడ్డారు. ఓ సినిమా షూటింగ్లో పాల్గొంటుండగా ఆయన కాలు బెణికింది. చికిత్స చేపట్టిన వైద్యులు ప్రభాస్కు విశ్రాంతి సూచించారు. తమ అభిమాన హీరోకు గాయం అవ్వడంతో ఫ్యాన్స్ ఆందోళనకు గురవుతున్నారు. ఆయన త్వరగా కోలుకోవాలని సోషల్ మీడియాలో పోస్ట్లు పెడుతున్నారు.
అయితే జపాన్లో 'కల్కి 2898 ఏడీ' సినిమా 2025 జనవరి 3న రిలీజ్ కానుంది. ఈ నేపథ్యంలో మేకర్స్ ప్రభాస్తో అక్కడ ప్రమోషన్స్ ప్లాన్ చేశారు. కానీ, తాజా గాయం కారణంగా ఆయన జపాన్లో 'కల్కి 2898 ఏడీ' సినిమా ప్రమోషన్స్కు వెళ్లడం లేదు. దీన్ని ప్రభాస్ స్వయంగా వెల్లడించారు. 'నాపై మీరు చూపిస్తున్న ప్రేమ, అభిమానాలకు ధన్యవాదాలు. జపాన్‌లోని అభిమానులను కలవాలని ఎప్పటి నుంచో అనుకుంటున్నాను. కానీ, మీరు నన్ను క్షమించాలి. సినిమా షూటింగ్లో నా కాలికి స్వల్ప గాయమవడం వల్ల అక్కడకు రాలేకపోతున్నాను' అని ప్రభాస్ పేర్కొన్నారు.
ప్రస్తుతం ప్రభాస్ వరుస సినిమా చిత్రీకరణలతో బిజీగా ఉన్నారు. మారుతీ దర్శకత్వంలో ఆయన 'ది రాజా సాబ్' సినిమా చేస్తున్నారు. ఈ సినిమా హారర్‌ థ్రిల్లర్‌ జానర్లో తెరకెక్కనుంది. ఈ చిత్రం చిత్రీకరణ పనులు శరవేగంగా జరుగుతున్నాయి. ఇది 2025 ఏప్రిల్‌ 10న వరల్డ్వైడ్గా విడుదల కానుంది. ప్రభాస్ ఇప్పటివరకూ కనిపించని సరికొత్త పాత్రలో ప్రేక్షకులను అలరించనున్నారు.