Rashmika Mandanna Animal Movie :'పుష్ప' సినిమాతో సెన్సేషనల్ హిట్ అందుకుని పాన్ ఇండియా లెవెల్లో గుర్తింపు పొందింది యంగ్ బ్యూటీ రష్మిక మందన్న. ఈ సినిమాతో ఈ చిన్నది పాన్ ఇండియా లెవెల్లో పాపులరైంది. అయితే ఇటీవలే వచ్చిన 'యానిమల్' మూవీతో ఈ అమ్మడు మరింత ఫేమస్ అయ్యింది. భారీ అంచనాల నడుమ వచ్చిన ఈ సినిమా సూపర్ సక్సెస్ అందుకుని ఇటు టాలీవుడ్ పాటు అటు బాలీవుడ్లోనూ దూసుకెళ్లింది. దీంతో మూవీ టీమ్ మొత్తం ఈ సినిమా సక్సెస్ను ఆస్వాదిస్తూ సంబరాలు చేసుకుంది.అయితే రష్మిక మాత్రం ఆ సక్సెస్ను సెలబ్రేట్ చేసుకోలేదు. ఆమె ఇంటర్వ్యూలు, సినిమాకి సంబంధించి వేడుకల్లో పాల్గొకుండా పోవడం పట్ల పట్ల బాలీవుడ్‌లో చర్చ జరిగింది. అయితే వాటిపై రష్మిక సోషల్‌ మీడియా వేదికగా తాజాగా స్పందించింది.
"మేం (యానిమల్ టీమ్) తెరకెక్కించిన ఈ భారీ ప్రాజెక్టును ప్రేక్షకులు ఆదరించారు. ఈ సినిమాపై ప్రశంసలు కురిపించారు. ఆ విజయాన్ని ఆస్వాదించడానికి నేను కూడా కొంత సమయం కేటాయించాలని అనుకున్నాను. కానీ, 'యానిమల్' రిలీజైన మరుసటి రోజే మరో సినిమా షూటింగ్లో పాల్గొన్నాను. నాకు పని పట్ల ఎంత నిబద్ధత ఉందో మీరే అర్థం చేసుకోండి. అందుకే ఇంటర్వ్యూల్లోనూ సక్సెస్ మీట్స్లకు హాజరు కాలేకపోయా. ప్రతిష్ఠాత్మక చిత్రాల షూటింగ్స్ కోసం కొన్ని సార్లు రాత్రుళ్లు కూడా ప్రయాణాలు చేయాల్సి వస్తోంది. మీరు నన్ను మిస్‌ అవుతున్నారని నాకు బాగా తెలుసు. ఆ లోటును నేను నటిస్తున్న క్రేజీ ప్రాజెక్టులు భర్తీ చేస్తాయని నేను భావిస్తున్నాను. అవి మిమ్మల్ని విశేషంగా అలరిస్తాయని అనుకుంటున్నాను. మీరు వాటిని చూస్తూ ఆనందించే చేసే క్షణాల కోసం ఆసక్తిగా ఎదురుచూస్తున్నాను. అన్నింటికీ మించి మీ ప్రేమే నాకు సంతోషాన్నిస్తుంది" అంటూ రష్మిక తెలిపింది.