Harihara Veeramallu Update : పవర్ స్టార్ పవన్‌కల్యాణ్‌ హీరోగా తెరకెక్కుతున్న సినిమా 'హరి హరి వీరమల్లు'. దర్శకులు క్రిష్‌, జ్యోతికృష్ణ సంయుక్తంగా ఈ చిత్రాన్ని తెరకెక్కిస్తున్నారు. చివరి దశ షూటింగ్ జరుపుకుంటున్న ఈ సినిమా పట్ల పవర్ స్టార్ అభిమానులు ఆత్రుతగా ఉన్నారు. అయితే మేకర్స్ సోమవారం సినిమా నుంచి ఓ కొత్త పోస్టర్ రిలీజ్ చేశారు.
బాలీవుడ్ స్టార్ నటుడు బాబీ దేఓల్ ఈ చిత్రంలో కీలక పాత్ర పోషిస్తున్నారు. సోమవారం బాబీ పుట్టినరోజు సందర్భంగా మేకర్స్ ఆయన పోస్టర్ రిలీజ్ చేశారు. ఇక ఇటీవల సినిమా నుంచి రిలీజైన 'మాట వినాలి' పాటకు మంచి రెస్పాన్స్ వస్తోంది. ఈ పాటను పవన్ స్వయంగా ఆలపించారు. కొన్ని నెలలుగా బ్రేక్ పడిన ఈ సినిమా షూటింగ్ రీసెంట్గా మళ్లీ ప్రారంభమైంది. రెగ్యులర్ షెడ్యూల్స్లో పవన్ పాల్గొంటున్నారు.
Wishing the incomparable, the man of magnetic screen presence @thedeol a very Happy Birthday! - Team #HariHaraVeeraMallu ⚔️#HBDBobbyDeol 🔥
— Hari Hara Veera Mallu (@HHVMFilm) January 27, 2025
Power star 🌟 @PawanKalyan @AMRathnamOfl @AnupamPKher @AgerwalNidhhi @amjothikrishna @mmkeeravaani @ADayakarRao2 @Manojdft… pic.twitter.com/frklEumhjM
ఇక 'హరిహర వీరమల్లు' సినిమా విషయానికి వస్తే, చారిత్రక అంశాలతో ముడిపడి ఉన్న ఈ పీరియాడిక్‌ యాక్షన్ డ్రామాలో పవన్ కల్యాణ్ శక్తిమంతమైన యోధుడిగా కనువిందు చేయనున్నారు. రాబిన్ హుడ్ పాత్ర అని సినీ వర్గాల మాట. హాలీవుడ్ స్టంట్ డైరెక్టర్ నిక్ పాల్ ఆధ్వర్యంలో భారీ యాక్షన్ సన్నివేశాలతో ఈ చిత్రాన్ని రూపొందిస్తున్నారు. త్వరలోనే సినిమా ప్రమోషన్స్ కూడా ప్రారంభం అయ్యే ఛాన్స్ ఉంది.
కాగా, పవన్ సరసన యంగ్ బ్యూటీ నిధి అగర్వాల్‌ నటిస్తుండగా, బాలీవుడ్ స్టార్ యాక్టర్స్ అనుపమ్‌ ఖేర్‌, బాబీ దేవోల్‌, నోరా ఫతేహి, విక్రమ్జీత్‌, జిషుసేన్‌ గుప్త్ తదితరులు కీలక పాత్రలు పోషిస్తున్నారు. ఆస్కార్ అవార్డ్ గ్రహీత ఎం.ఎం.కీరవాణి ఈ చిత్రానికి సంగీతం అందిస్తున్నారు. మెగా సూర్య ప్రొడక్షన్స్‌ పతాకంపై ఏ.ఎం.రత్నం సమర్పణలో ఎ.దయాకర్‌ రావు నిర్మాతగా వ్యవహరిస్తున్నారు. రెండు పార్టులుగా విడుదల కానున్న ఈ సినిమా తొలి భాగమైన 'హరిహర వీరమల్లు పార్ట్ 1: స్వార్డ్‌ వర్సెస్‌ స్పిరిట్‌' 2025 మార్చి 28న సినిమా థియేటర్లలో ప్రేక్షకుల ముందుకు రానుంది.
అభిమానులకు వీరమల్లు పండుగ ట్రీట్! పవన్ చెప్పిన 'మాట విన్నారా'?
'హరిహర వీరమల్లు' షూటింగ్ అప్డేట్ - ఫైనల్ షెడ్యూల్ కోసం పవన్ రెడీ
