How to Register in National Career Service Portal: పోటీ ప్రపంచంలో నిరుద్యోగుల సంఖ్య క్రమక్రమంగా పెరుగుతోంది. ప్రభుత్వ ఉద్యోగాల కోసం ఎదురుచూసేవారు కొందరైతే, చిన్నదో, పెద్దదో ఓ ఉద్యోగం ఉంటే చాలనుకునేవారు మరికొందరు. ఈ క్రమంలోనే వివిధ జాబ్ పోర్టల్స్లో తమ వివరాలతో రిజిస్టర్ చేసుకుంటుంటారు. అయితే చాలా మందికి ప్రయివేట్ జాబ్ పోర్టల్స్ గురించే తెలుసు. కానీ గవర్నమెంట్ జాబ్ పోర్టల్ కూడా ఉంది! ఆ విషయం చాలా తక్కువ మందికి తెలుసు. జాబ్ కోసం వెతికే వాళ్లకు, జాబ్ ఇచ్చే వాళ్లకు వారధిగా కేంద్ర ప్రభుత్వం ఓ పోర్టల్ను తీసుకోచ్చింది. దాని పేరే "నేషనల్ కెరీర్ సర్వీస్(NCS)". మరి ఈ పోర్టల్ ఎవరికి ఉపయోగపడుతుంది? ఇందులో ఎలా రిజిస్టర్ చేసుకోవాలో ఈ స్టోరీలో చూద్దాం.
నిరుద్యోగులకు ఉద్యోగ అవకాశాల వివరాలు అందించాలనే లక్ష్యంతో సెంట్రల్ గవర్నమెంట్ 2015లో మిషన్ మోడ్ ప్రాజెక్ట్‌లో భాగంగా "నేషనల్ కెరీర్ సర్వీస్ (NCS)" పోర్టల్ను ప్రారంభించింది. మినిస్ట్రీ ఆఫ్ లేబర్ అండ్ ఎంప్లాయిమెంట్ ఆధ్వర్యంలో ఇది పనిచేస్తోంది. యువత కోసం వివిధ రంగాల్లో ఉద్యోగ అవకాశాలు, కెరీర్ కౌన్సెలింగ్, ఒకేషనల్, స్కిల్ డెవలప్‌మెంట్ కోర్సులు, ఇంటర్న్‌షిప్స్ వంటి వాటికి సమాచారం ఈ పోర్టల్‌లో అందుబాటులో ఉంటుంది. అనేక కంపెనీలు NCSలో రిజిస్టర్ అయ్యాయి. ఇవి ఎప్పటికప్పుడు ఉద్యోగ, ఇంటర్న్షిప్ వివరాలను పోర్టల్‌లో అప్‌డేట్ చేస్తుంటాయి.
ఎలాంటి ఉద్యోగాలు ఉంటాయి: ఈ పోర్టల్ లో గవర్నమెంట్ జాబ్స్, పార్ట్ టైమ్ గవర్నమెంట్ జాబ్స్, జాతీయ, అంతర్జాతీయ స్థాయిలో ఉండే పలు ప్రైవేటు సంస్థల్లో ఉద్యోగాల వివరాలు ఉంటాయి. అలాగే వర్క్ ఫ్రమ్ హోమ్, ఫుల్ టైమ్, పార్ట్ టైమ్, ఇంటర్న్షిప్, అప్రెంటీస్కు సంబంధించినవి కూడా ఉంటాయి. అయితే ఈ పోర్టల్ ద్వారా పూర్తి వివరాలు తెలుసుకోవాలన్నా, జాబ్స్కు అప్లై చేసుకోవాలన్నా రిజిస్టర్ చేసుకోవాలి. అది ఎలాగంటే,
రిజిస్ట్రేషన్ ప్రాసెస్ ఇదే:
- ముందుగా నేషనల్ కెరీర్ సర్వీస్ అధికారిక వెబ్సైట్ను ఓపెన్ చేయాలి. https://www.ncs.gov.in/
- హోమ్ పేజీలో కుడివైపు కార్న్లో Login, Register అనే రెండు ఆప్షన్లు కనిపిస్తాయి. ఒకవేళ మీరు ఇప్పటికే రిజిస్టర్ చేసుకుంటే ఆ వివరాలతో లాగిన్ అవ్వొచ్చు. లేదు కొత్త యూజర్ అయితే మాత్రం Register ఆప్షన్పై క్లిక్ చేయాలి.
- రిజిస్టర్ యాజ్ అని Job Seeker ఆప్షన్ను సెలక్ట్ చేసుకోవాలి.
- యూనిక్‌ ఐడెంటిఫికేషన్‌ టైప్ అన్న చోట మీ UAN నెంబర్(EPFO)/ పాన్‌ కార్డ్‌/UAN నెంబర్(ఈ-శ్రమ్)/మొబైల్ నెంబర్/ ఓటర్‌ ఐడీ కార్డ్‌/పాస్ పోర్ట్‌/డ్రైవింగ్‌ లైసెన్స్‌ సెలెక్ట్ చేసుకుని దానికి సంబంధించిన వివరాలు, డేట్ ఆఫ్ బర్త్ ఎంటర్ చేసి Check ఆప్షన్పై క్లిక్ చేయాలి. దీనినే యూనిక్‌ ఐడెంటిఫికేసన్‌ నెంబర్‌గా గుర్తుంచుకోవాలి.
- ఆ తర్వాత మీ వ్యక్తిగత వివరాలు, అడ్రెస్, మెయిల్ ఐడీ వివరాలు ఎంటర్ చేయాలి. అలాగే పాస్వర్డ్ క్రియేట్ చేసుకోవాలి. అనంతరం అక్కడ సరిపడా వివరాలు ఎంటర్ చేసి క్యాప్చా కోడ్ ఎంటర్ చేసి Submit ఆప్షన్పై క్లిక్ చేయాలి.
- రిజిస్ట్రేషన్ వివరాలు నమోదు చేశాక మీ మొబైల్‌కు ఓటీపీ వస్తుంది. ఓటీపీ వెరిఫికేసన్‌ పూర్తయ్యాక పోర్టల్‌లో లాగిన్ అవ్వాలి.
ఉద్యోగాలు ఎలా సెర్చ్ చేసుకోవాలి? :
- ముందుగా నేషనల్ కెరీర్ సర్వీస్ అధికారిక వెబ్సైట్ను ఓపెన్ చేయాలి. https://www.ncs.gov.in/
- హోమ్ పేజీలో కుడివైపు కార్న్లో Login ఆప్షన్పై క్లిక్ చేసి వివరాలు(యూనిక్‌ ఐడెంటిఫికేషన్‌ నెంబర్, పాస్వర్డ్) ఎంటర్ చేసి సైన్ ఇన్ ఆప్షన్పై క్లిక్ చేయాలి.
- పోర్టల్ లో లాగిన్ అయ్యాక కింద View/Update NCS Profile ఆప్షన్ కనిపిస్తుంది. దాని కింద ‘Search Job’ బటన్ పై క్లిక్ చేయాలి.
- కీ వర్డ్, లోకేషన్, ఎక్స్పెక్టెడ్ శాలరీ, ఆర్గనైజేషన్ టైప్ వంటి పలు వివరాలు ఎంటర్ చేయాలి.
- ఆ తర్వాత Search బటన్ పై క్లిక్ చేస్తే మీకు అందుబాటులో ఉన్న ఉద్యోగాల జాబితా కనిపిస్తుంది.
- వాటిల్లో మీకు ఆసక్తి ఉన్న జాబ్ వద్ద ఉన్న అప్లై బటన్ పై క్లిక్ చేసి పూర్తి వివరాలు తెలుసుకున్న తర్వాత Apply ఆప్షన్పై క్లిక్ చేసి దరఖాస్తు చేసుకుంటే చాలు.
- ఇందులో రిజిస్టర్ చేసుకున్న ఉద్యోగార్థులకు జాబ్ నోటిఫికేషన్స్ కూడా వస్తాయి.
- నేషనల్ కెరీర్ సర్వీస్ పోర్టల్‌లో నమోదు చేసుకునేందుకు ఎలాంటి రుసుము చెల్లించాల్సిన అవసరం లేదు.
ISROలో ఇంటర్న్షిప్ చేయాలా? అర్హతలు, దరఖాస్తు విధానం వివరాలు ఇవిగో!
టెన్త్, ఐటీఐ అర్హతతో - రైల్వేలో 32,438 పోస్టుల భర్తీకి భారీ నోటిఫికేషన్
