Game Changer Trailer :గ్లోబల్ స్టార్ రామ్చరణ్- శంకర్ కాంబోలో తెరకెక్కిన 'గేమ్ ఛేంజర్' ట్రైలర్ గురువారం రిలీజైంది. హైదరాబాద్ కొండాపూర్ AMB సినిమాస్లో ఈవెంట్ నిర్వహించిన మేకర్స్ ఈ ట్రైలర్ను విడుదల చేశారు. ఈ కార్యక్రమానికి దర్శకధీరుడు రాజమౌళి చీఫ్ గెస్ట్గా హాజరై ట్రైలర్ రిలీజ్ చేశారు. 2.40 నిమిషాల నిడివి ఉన్న ఈ ట్రైలర్ మీరు చూశారా?
'కడుపు నిండా 100 ముద్దలు తినే ఏనుగు, ఒక్క ముద్ద వదిలేస్తే దానికొచ్చిన నష్టం ఏమీ లేదు. కానీ, ఆ ఒక్క ముద్ద లక్ష చీమలకు ఆహారం. నేను అడిగేది ఆ ఒక్క ముద్ద మాత్రమే' అంటూ ట్రైలర్ ఆసక్తిగా ప్రారంభమైంది. ఒక ఐఎయస్ ఆఫీసర్- రాజకీయ నాయకుడి మధ్య గొడవే ఈ సినిమా కాన్సెప్ట్గా అర్థమవుతోంది. హీరో చరణ్ కాలేజీ స్టూడెంట్, కలెక్టర్, పోలీస్, రాజకీయ నాయకుడుగా పలు గెటప్స్లో కనిపించారు. అక్కడక్కడా రామ్చరణ్ మేనరిజం ఆకట్టుకుంది.
కమెడియన్లు సునీల్, బ్రహ్మనందం, వెన్నెల కిషోర్ను కూడా ట్రైలర్లో చూపించారు. విజువల్స్ కూడా నెక్ట్స్ లెవెల్లో ఉన్నాయి. యస్ జే సూర్య- హీరో మధ్య జరిగే పొలిటికల్ వార్ సినిమాలో హీట్ పెంచేలా ఉంది. ఒక కలెక్టర్ హోదాలో ఏకంగా ముఖ్యమంత్రిన 'రా' అని సంభోదించిన సీన్ ప్రేక్షకులతో విజిల్స్ వేయించేలా ఉంది. ఇక రామ్చరణ్ చివరగా లుంగీ గెటప్లో హెలికాప్టర్లోంచి కత్తి పట్టుకొని దిగుతూ ఊర మాస్గా చూపించారు. ఈ సీన్కు థియేటర్లు బద్దలవడం ఖాయంగా కనిపిస్తోంది.