Gangs Of Godavari Balakrishna Alcohol :విశ్వక్ సేన్ గ్యాంగ్స్‌ ఆఫ్ గోదావరి ప్రీరిలీజ్‌ వేడుకకు నందమూరి నటసింహం బాలకృష్ణ విచ్చేసి సందడి చేసిన సంగతి తెలిసిందే. ఈ చిత్రం మంచి విజయం సాధించాలని ఆకాంక్షించారు. అయితే ఈవెంట్లో బాలయ్య కూర్చొన్న కుర్చీ దగ్గర మందుబాటిల్‌ ఉందంటూ సోషల్ మీడియాలో ఓ వీడియో వైరల్ అయిన సంగతి తెలిసిందే. తాజాగా దీనిపై చిత్ర నిర్మాత నాగవంశీ క్లారిటీ ఇచ్చారు. "అవన్నీ సీజీ (కంప్యూటర్‌ గ్రాఫిక్స్‌)లో క్రియేట్‌ చేసి దుష్ప్రచారం. ఈవెంట్ నిర్వహించడంతో పాటు ఈవెంట్ పూర్తయ్యేవరకు నేను అక్కడే ఉన్నాను. అసలు అక్కడ అలాంటి బాటిల్ ఏదీ లేదు అంటూ అసహనం వ్యక్తం చేశారు. కావాలనే ఇలాంటి తప్పుడు ప్రచారం చేస్తున్నారని మండిపడ్డారు. సోషల్‌మీడియాలో కావాలనే అనవసర చర్చ చేస్తున్నారు తప్ప అక్కడ జరిగిందీ ఏమీ లేద"న్నారు. ఈ విషయంపై హీరో విశ్వక్ సేన్ కూడా తనదైన శైలిలో సమాధానమిచ్చారు. ఆ వీడియోను సీజేలో క్రియేట్‌ చేసిన వ్యక్తి గ్యాంగ్స్‌ ఆఫ్ గోదావరి-2 కోసం పని చేయబోతున్నాడని కాస్త చురకలు కూడా అంటించారు.
Balakrishna Anjali : ఇక ఇదే ఈవెంట్లో స్టేజ్పై నటి అంజలిని బాలకృష్ణ చేతితో నెట్టడంపైన కూడా బాగా విమర్శలు వచ్చాయి. ఈ విషయంపై కూడా నాగవంశీ రియాక్ట్ అయ్యారు. "ఫొటోకు పోజు ఇచ్చేందుకు వెనక్కి జరగాలని బాలయ్య అంజలినీ కోరారు. చనువుకొద్దీ అలా చేశారు. తమకున్న పరిచయం, చనువును ఆధారంగా ఎవరైనా అలా చేస్తారు. అయినా ఆ చర్యకు ముందూ, వెనక ఉన్న పూర్తి వీడియోను ఎవరూ చూడకుండా ఇలాంటి వాటిని స్ప్రెడ్ చేయొద్దు. అలా ప్రచారం చేయడం సరి కాదు" అని అన్నారు. ఆ తర్వాత బాలకృష్ణ, అంజలి హై ఫై చేసుకున్న సీన్ను ఎవరూ చూపించలేదన్నారు.