Prabhas Spirit Movie:ప్రస్తుతం సినీ ప్రియుల నోట రెబల్ స్టార్ ప్రభాస్ నటించిన కల్కి 2898 AD సినిమా పేరే వినిపిస్తోంది. జూన్ 27న ఈ మూవీ థియేటర్లలో రిలీజ్ కానుండడంతో దేశవ్యాప్తంగా మూవీ లవర్స్ అంతా ఈ భారీ బడ్జెట్ ప్రాజెక్డ్ కోసమే ఆసక్తిగా ఎదురుచూస్తున్నారు. అందుకే సోషల్ మీడియా అంతా కల్కినే కనిపిస్తోంది.
అయితే ప్రభాస్ ఈ చిత్రంతో పాటు మరిన్ని సినిమాలను లైన్లో పెట్టిన సంగతి తెలిసిందే. ఆయన నుంచి వరుసగా పెద్ద ఫ్రాజెక్ట్లే రానున్నాయి. నెక్ట్స్ ప్రశాంత్ నీల్ తెరకెక్కించబోయే సలార్ 2లో ఊర మాస్ లుక్లో కనిపించనున్నారు. అలానే మారుతీ దర్శకత్వంలో వస్తున్న రాజా సాబ్ కోసం వింటేజ్ లుక్లో కనిపించనున్నారట. ఇందులో ద్విపాత్రాభినయం చేస్తున్నారని కూడా టాక్ వినిపించింది. వీటన్నిటి తర్వాత ప్రభాస్ యానిమల్ ఫేమ్ సందీప్ రెడ్డి వంగతో ఓ భారీ సినిమా చేస్తున్నారు. పోలీస్ డ్రామాగా ఇది తెరకెక్కనుంది.
ఈ మూవీ షూటింగ్ అక్టోబర్లో ప్రారంభం కానున్నట్లు సమాచారం అందుతోంది. స్క్రిప్ట్ వర్క్ పూర్తి చేసే పనిలో ఉన్నారట. అయితే యానిమల్లో రణ్బీర్ను వంగా డిఫరెంట్(వైల్డ్, సాఫ్ట్, రొమాంటిక్) షేడ్స్లో చూపించిన విధానానికి అంత ఫిదా అయిపోయారు. దీంతో స్పిరిట్లో ప్రభాస్ను ఎలా చూపిస్తారనే ఆసక్తి అందరిలో మొదలైంది. దీని కోసం కూడా డార్లింగ్ ఫ్యాన్స్ అంతా ఆతృతగా ఎదురుచూస్తున్నారు.