Prabhas Salaar Bike :ప్రశాంత్‌ నీల్‌, ప్రభాస్ కాంబినేషన్‌లో రూపొందిన సలార్‌ మూవీ 2023 డిసెంబర్‌లో రిలీజ్‌ అయిన సంగతి తెలిసిందే. ఈ మూవీ బాక్సీఫీస్‌ వద్ద కలెక్షన్ల వర్షం కురిపించింది. ప్రపంచ వ్యాప్తంగా రూ.700 కోట్లకు పైగా వసూలు చేసింది. ఈ హైఓల్టేజ్‌ మూవీలో ప్రభాస్ చాలా సీన్స్‌లో బైక్ నడుపుతూ కనిపిస్తారు. ఈ బైక్ ప్రభాస్ ఫ్యాన్స్‌, బైక్ లవర్స్‌కు తెగ నచ్చేసింది. మీకూ ఆ బైక్ అంటే ఇష్టమా? అయితే మీకో గుడ్‌న్యూస్‌. సలార్‌ మూవీ టీమ్‌ ఈ బైక్‌ను సొంతం చేసుకునే అవకాశం అందిస్తోంది.
ఇప్పుడు ఫ్యాన్స్‌ కోసం మూవీ మేకర్స్ సోషల్ మీడియాలో గివ్‌ అవే క్యాంపెయిన్‌ స్టార్ట్‌ చేశారు. ప్రభాస్ ఐకానిక్ మోటార్‌సైకిల్‌ను ఒక లక్కీ విన్నర్‌కు అందజేయనున్నారు. దీనికి సంబంధించి ప్రొడక్షన్ హౌస్ హోంబలే ఫిల్మ్స్, గురువారం ఇన్‌స్టాగ్రామ్‌లో ఓ పోస్ట్‌ చేసింది. ప్రభాస్ బైక్ నడుపుతున్న పోస్టర్‌ను షేర్ చేసి, క్యాప్షన్‌లో గివ్‌ అవే డీటైల్స్‌ పేర్కొంది.
- సలార్‌ బైక్ గెలవాలంటే ఏం చేయాలి?
హోంబలే ఫిల్మ్స్ ఇన్‌స్టా పోస్టులో "SalaarCeaseFireలో రెబెల్ స్టార్ #ప్రభాస్ నడిపిన అదే ఐకానిక్ బైక్‌ను గెలుచుకోవడానికి మీకో ఎక్స్‌క్లూజివ్‌ ఆపర్చునిటీ. మీరు చేయాల్సిందల్లా, ఏప్రిల్ 21న 5:30 PM నుంచి 8 PM వరకు స్టార్ మా ఛానెల్‌లో సలార్‌ మూవీ ప్రసారమవుతుంది. మూవీటైమ్‌లో స్క్రీన్ ఎడమ వైపున బైక్ ఇమేజ్‌ ఎన్నిసార్లు కనిపించిందో లెక్కించాలి. SMS లైన్స్‌ ఓపెన్‌ అయినప్పుడు, SALAAR <space> <స్క్రీన్‌పై బైక్ కనిపించిన సంఖ్య> టైప్‌ చేసి 9222211199కి SMS పంపండి. 2024 ఏప్రిల్ 21న రాత్రి 8 గంటల నుంచి SMS లైన్ష్‌ ఓపెన్‌ అవుతాయి. T&C వర్తిస్తాయి" అని వివరించింది.