Akira Nandan OG Movie:టాలీవుడ్ అప్‌కమింగ్ సినిమాల్లో ఒకటైన 'ఓజీ (OG)'పై ప్రేక్షకుల్లో భారీ అంచనాలు ఉన్నాయి. పవర్స్టార్ పవన్ కల్యాణ్ లీడ్ రోల్‌లో- సుజీత్ దర్శకత్వంలో ఈ చిత్రం తెరకెక్కుతుంది. పవన్ చాలా గ్యాప్ తర్వాత స్ట్రైట్‌గా సినిమా చేస్తుండటం వల్ల ఎప్పుడెప్పుడు రిలీజ్ అవుతుందా? అని ఫ్యాన్స్, ప్రేక్షకుల్లో ఉత్కంఠ పెరిగిపోతుంది. ఇందులో పవన్ కొడుకు అకీరా నందన్ కూడా ఉన్నాడట.
యంగ్ హీరో అడివి శేష్ రీసెంట్గా ఓ సందర్భంలో OG సినిమా గురించి మాట్లాడారు. స్వయంగా ఆయనే ఈ విషయాన్ని బయటపెట్టారు. 'సిల్వర్ స్క్రీన్‌పై ఈ సూపర్ ఎగ్జైటెడ్ సినిమాను చూసేందుకు పడి చచ్చిపోతున్నాడు అకీరా. వాళ్ల నాన్నను గ్యాంగ్‌స్టర్‌గా చూడటానికి చాలా ఎగ్జైట్ అవుతున్నాడు' అంటూ ఒక ఇంటర్వ్యూలో చెప్పారు. అడివి శేష్- అకీరాకు మధ్య చాలా క్లోజ్ బాండింగ్ ఉంటుంది. వారిద్దరూ ఈ విషయాన్ని పలు ఇంటర్వ్యూల్లో షేర్ చేసుకున్నారు కూడా. పవన్ కల్యాణ్ కెరీర్ లోనే భారీ బడ్జెట్ సినిమాగా ఇది తెరకెక్కుతుంది. ఇక త్వరలోనే సినిమా షూటింగ్లో హీరో పవన్ పాల్గొననున్నారట.
'సాహో' సినిమా తర్వాత మూడేళ్ల గ్యాప్ తీసుకుని ఈ ప్రాజెక్టును మొదలుపెట్టిన సుజీత్‌కు ఈ గ్యాప్‌లో బాలీవుడ్ ఆఫర్స్ కూడా వచ్చాయట. ఏ హీరోతో చేయనని కేవలం పవన్‌తోనే చేయాలని ఫిక్స్ అయ్యారట. ఒక అభిమానిగా పవన్‌ను మిగతా అభిమానులు ఎలా చూడాలనుకుంటున్నారో సుజిత్‌కు తెలుసు. 'సినిమాలో ఎలాంటి ఎలిమెంట్స్ ఉండాలో తెలుసు. కాబట్టి సూపర్ గా ఉండబోతుంది' అని చెప్పడం వల్ల సినిమాపై మరిన్ని అంచనాలు పెరిగిపోయాయి. డి.వి.వి దానయ్య నిర్మాణ బాధ్యతలు వహిస్తుండగా, ఎస్ఎస్ తమన్ సంగీతం సమకూరుస్తున్నారు.