Devara Janhvi kapoor Boyfriend Praises : యంగ్ టైగర్ ఎన్టీఆర్‌ - జాన్వీ కపూర్ కలిసి నటించిన చిత్రం దేవర బ్లాక్ బస్టర్ హిట్ టాక్తో దూసుకుపోతోంది. తొలి రోజే రూ.170 కోట్ల వరకు వసూలు చేసింది. అయితే తాజాగా ఈ చిత్రంపై జాన్వీ కపూర్ బాయ్ ఫ్రెండ్ శిఖర్ పహరియా ప్రశంసలు కురిపించాడు. ఈ సినిమాను వీక్షించిన అతడు జాన్వీ యాక్టింగ్‌కు ఫిదా అయినట్లు తెలిపాడు. ఆమె స్క్రీన్‌ ప్రజెన్స్‌కు మైమరిచిపోయినట్లు పేర్కొన్నాడు. ఈ విషయాన్ని సోషల్ మీడియాలో తెలియజేస్తూ దేవరలోని జాన్వీ కపూర్ ఫొటోను షేర్‌ చేశాడు.
'నేనేమైనా కలలో ఉన్నానా?' అంటూ కామెంట్స్ చేశారు. ప్రస్తుతం ఈ విషయం సోషల్ మీడియాలో బాగా వైరల్ అవుతోంది. దీంతో మీ రిలేషన్‌ గురించి త్వరగా బయటకు చెప్పేయండి అంటూ పలువురు నెటిజన్లు కామెంట్స్ చేస్తున్నారు.
కాగా, మహారాష్ట్ర మాజీ సీఎం సుశీల్‌కుమార్‌ షిండే మనవడు శిఖర్ పహరియా. ఇతనితోనే జాన్వీ డేటింగ్‌లో ఉన్నట్లు చాలా కాలంగా ప్రచారం సాగుతోంది. వీరిద్దరు కలిసి బాలీవుడ్లో జరిగే పార్టీలకు, తిరుమలకు కలిసి వెళ్లడం వంటి చేస్తుంటారు. దీంతో వీరిద్దరి డేటింగ్ రూమర్స్ ప్రచారం జోరందుకుంది.