Rashmika Mandanna Injury : జిమ్‌లో వర్కౌట్లు చేస్తుండగా కాలికి గాయమైందని స్టార్ హీరోయిన్ రష్మిక ఇటీవలె తన అభిమానులకు తెలిపింది. అయితే తాజాగా ఆమె హైదరాబాద్‌ ఎయిర్పోర్ట్లో కనిపించింది. స్టాఫ్ సాయంతో ఆమె చాలా ఇబ్బందిగా నడుచుకుంటూ వీల్ఛైర్ ఎక్కి ఎయిర్పోర్ట్లోకి వెళ్లింది. తన ఫేస్ను మొత్తం ఆమె కవర్ చేసుకుంది. ప్రస్తుతం ఈ వీడియో సోషల్ మీడియాలో తెగ వైరల్‌ అవుతోంది. అయితే ఆమె తన అప్కమింగ్ మూవీ ప్రమోషన్స్ కోసం ముంబయి బయల్దేరినట్లు సమాచారం.
ఇక ఈ వీడియో చూసి రష్మిక ఫ్యాన్స్ మరింత ఆందోళన చెందుతున్నారు. ఆమె గాయం మాని త్వరగా కోలుకోవాలంటూ నెట్టింట కామెంట్స్ పెడుతున్నారు. ఇటువంటి సమయంలో రెస్ట్ తీసుకోకుండా తను ఎంతో డెడికేషన్తో ప్రమోషన్స్కు వెళ్తోందని అంటున్నారు.
It's painful to see @iamRashmika like this. But at the same time, I'm also happy to see that she hasn't given up. She's showing her fans that she's a fighter, strong and unstoppable. That's why we call her our inspiration. Proud of you #RashmikaMandanna. Your strength &… pic.twitter.com/WVWjdDz2XC
— Rashmika Delhi Fans (@Rashmikadelhifc) January 22, 2025
ఇంతకీ ఏమైందంటే?
తనకు ఇటీవలే గాయమైనట్లు రష్మిక సోషల్ మీడియాలో ఓ పోస్ట్‌ షేర్ చేసింది. ఆ దెబ్బ మానడానికి ఎంత సమయం పడుతుందో తెలియదని చెప్పుకొచ్చింది. "నేను పూర్తిగా ఎప్పుడు కోలుకుంటానో ఆ భగవంతుడికే తెలియాలి. త్వరగా కోలుకుని 'సికందర్‌', 'థామ', 'కుబేర' షూటింగ్స్లో పాల్గొనాలని కోరుకుంటున్నాను. ఈ ఆలస్యానికి నన్ను క్షమించాలంటూ ఆ మూవీ డైరెక్టర్స్ను కోరుతున్నా. నా కాలు ఏమాత్రం సెట్‌ అయినా సరే వెంటనే సెట్స్లోకి వచ్చేస్తాను" అని తెలిపారు.
Rashmika Upcoming Movies : ఇక రష్మిక చేతిలో ప్రస్తుతం దక్షిణాదితో పాటు బాలీవుడ్కు సంబంధించిన భారీ ప్రాజెక్టులు ఉన్నాయి. 'ధనుశ్'తో కుబేరా, 'విక్కీ కౌశల్తో 'ఛావా', సల్మాన్ ఖాన్తో 'సికందర్‌', అలాగే తెలుగులో 'ది గర్లఫ్రెండ్‌' చిత్రాల్లో ఆమె నటిస్తోంది. తాజాగా 'ఛావా' టీమ్ రష్మిక రోల్ను పరిచయం చేస్తూ ఓ స్పెషల్ పోస్టర్ను షేర్ చేసింది. అందులో ఆమెను ఏసు బాయ్గా చూపించారు. నిండా నగలతో ఫుల్ మరాఠి ట్రెడిషన్లో రష్మిక లుక్ అదిరిపోయిందని ఫ్యాన్స్ అంటున్నారు. మడాక్‌ ఫిల్మ్స్‌ పతాకం పై దినేశ్‌ విజన్‌ నిర్మిస్తున్న ఈ చిత్రం ఫిబ్రవరి 14న థియేటర్లలో సందడి చేయనుంది.
'నిజంగా సారీ, అలా చెప్పినందుకు' - విజయ్, మహేశ్ సినిమాపై రష్మిక కామెంట్స్!
ఆసక్తికరంగా 'ది గర్ల్‌ ఫ్రెండ్‌' టీజర్ - విజయ్ దేవరకొండ వాయిస్తో!
