తన వెర్సటైల్ యాక్టింగ్తో యూత్ను ఆకట్టుకుంటూ ఇండస్ట్రీలో దూసుకెళ్తోంది లేడీ సూపర్ స్టార్ నయనతార. మలయాళం సినిమాలతో సినీ అరంగేట్రం చేసిన ఈ చిన్నది, ఆ తర్వాత తమిళం, తెలుగు సినిమాల్లో మెరిసి మెప్పిచింది. అగ్రహీరోల సరసన నటించి అనతికాలంలోనే మంచి స్టార్డమ్ సాధించింది. షారుక్- అట్లీ కాంబోలో వచ్చిన 'జవాన్'తో బాలీవుడ్‌ ఎంట్రీ ఇచ్చి అక్కడ కూడా మంచి ఫ్యాన్ ఫాలోయింగ్ సంపాదించుకుంది. ఒకే జానర్కు స్టిక్ అవ్వకూండా డిఫరెంట్ రోల్స్లో నటించి తానేంటో నిరూపించుకుంది. అయితే తన కెరీర్లో ఓ క్యారెక్ట్లో నటించినందుకు ఇప్పటికీ చింతిస్తున్నానంటూ చెప్పుకొచ్చింది. గతంలో జరిగిన ఓ ఇంటర్వ్యూలో ఆ సినిమా గురించి చెప్పగా, ఇప్పుడు ఆ వీడియో మళ్లీ ట్రెండ్ అవుతోంది.
సూర్య లీడ్ రోల్లో విడుదలైన 'గజినీ' మూవీ బాక్సాఫీస్ వద్ద మాసివ్ సకెస్స్ అందుకున్న సంగతి తెలిసిందే. అందులో అసిన్తో పాటు నయన్ కూడా ఫిమేల్ లీడ్గా కనిపించింది. చిత్ర అనే మెడికల్ స్టూడెంట్గా నయన్ ఈ చిత్రంలో నటించింది. అయితే ఆ పాత్ర తన సినీ కెరీర్లోనే అత్యంత చెత్త ఎంపిక అంటూ వ్యాఖ్యానించింది. తాను ఇప్పటివరకు నటించిన సినిమాల మొత్తంలో 'గజిని'లో యాక్ట్ చేసినందుకు మాత్రమే చింతిస్తున్నానంటూ వెల్లడించింది. ఈ చిత్రంలో తన పాత్రను త‌న‌కు చెప్పినట్లుగా చిత్రీక‌రించ‌లేదని, తనను చెత్తగా ఫోటోలు తీశారంటూ చెప్పింది. ఆ సమయంలో ఆ విషయాన్ని తాను పట్టించుకోలేదని దాన్ని ఓ లెర్నింగ్ ప్రాసెస్గా భావించానంటూ పేర్కొంది.