HIT 3 Cameos : నేచురల్‌ స్టారీ నాని రీసెంట్గా 'సరిపోదా శనివారం'తో సూపర్ హిట్ అందుకున్నారు. అదే ఊపుతో ఇప్పుడు ఆయన 'హిట్ 3' సెట్స్లోకి అడుగుపెట్టారు. యంగ్ డైరెక్టర్ శైలేష్ కొలను తెరకెక్కిస్తున్న ఈ చిత్రం ప్రస్తుతం శరవేగంగా షూటింగ్ జరుపుకుంటోంది. 2025 మే 1న సినిమా రిలీజ్‌ కానున్న నేపథ్యంలో పలు కీలక షెడ్యూలను త్వరగా ముగించే పనుల్లో ఉన్నారు మేకర్స్. అయితే తాజాగా ఈ మూవీకి సంబంధించిన ఓ బిగ్‌ అప్డేట్ సోషల్ మీడియాలో తెగ వైరల్‌ అవుతోంది.
హిట్ సిరీస్‌లో వచ్చిన రెండు సినిమాలు ప్రేక్షకులను అలరించాయి. మొదటి చిత్రంలో విశ్వక్ సేన్ నటించగా, రెండో పార్ట్లో అడివి శేష్ మెరిశారు. ఇప్పుడు ఈ మూడో మూవీ నాని చేస్తుండటం వల్ల దీనిపై భారీ అంచనాలు నెలకొన్నాయి. ఇటీవల 'హిట్: ద థర్డ్‌ కేస్' పేరిట రిలీజ్‌ ఓ చిన్న గ్లింప్స్ సూపర్ హిట్ అయింది. అందులో నాని పవర్ఫుల్‌ కాప్ పాత్రలో కనిపించారు. అలా సినిమాపై అంచనాలను నెక్స్ట్‌ లెవల్‌కి తీసుకెళ్లారు.
అయితే సినీ వర్గాల సమాచారం ప్రకారం ఈ చిత్రంలో రెండు కీలక గెస్ట్‌ రోల్స్‌ ఉన్నాయట. మునుపటి హిట్ సిరీస్‌లలో హీరోలుగా చేసిన విశ్వక్ సేన్, అడివి శేష్ 'హిట్ 3'లో కనిపిస్తారట. ఒకవేళ ఇది నిజమైతే ముగ్గురు స్టార్ హీరోలు అభిమానులకు సూపర్ సర్‌ప్రైజ్‌ ఇవ్వనున్నారని తెలుస్తోంది. అయితే ఈ అంశంపై అటు నటీనటులు, ఇటు నిర్మాతలు ఎలాంటి సమాచారం వెల్లడించలేదు.
నానీ తదుపరి సినిమాలు ఏంటి?
'హిట్ 3' కాకుండా, నానీ నుంచి మరో భారీ సినిమా 'ది ప్యారడైజ్‌' రానుంది. ఈ యాక్షన్ థ్రిల్లర్‌కి గతంలో నానీతో 'దసరా' తీసిన శ్రీకాంత్ ఓదెల డైరెక్ట్ చేస్తున్నారు. ఈ మూవీ స్టోరీలైన్‌ చాలా గ్రిప్పింగ్‌గా ఉందని, నానీ పాత్రకు తగినట్లు తన శరీరాన్ని మార్చుకోవడానికి తీవ్ర కసరత్తులు చేయనున్నారని సమాచారం.
వీటి తర్వాత నాని, డైరెక్టర్ సుజీత్‌తో కలిసి పని చేయనున్నారు. ఈ సినిమా గురించి కొంతకాలం క్రితం ప్రకటించినప్పటికీ, నిర్మాణంపై ఎటువంటి అప్‌డేట్‌లు లేవు. దీంతో ఈ ప్రాజెక్ట్ ఆగిపోయిందనే ఊహాగానాలు వినిపించాయి. కానీ దీనికి సంబంధించి అధికారికంగా ఎలాంటి ప్రకటన వెలువడలేదు.
