Actor Rana About Rana Naidu 2 : టాలీవుడ్ స్టార్ హీరో రానా, విక్టరీ వెంకటేశ్ లీడ్ రోల్స్లో తెరకెక్కిన వెబ్ సిరీస్ 'రానా నాయుడు'. 2024లో వచ్చిన ఈ సిరీస్కు సీక్వెల్గా ఇప్పుడు 'రానా నాయుడు 2' రానుంది. అయితే గతంలోనే ఈ ప్రాజెక్ట్ గురించి అనౌన్స్ చేసినప్పటికీ, దాని గురించి మరిన్ని అప్డేట్స్ రాలేదు.
ఆ రెండూ రెడీ
ఈ నేపథ్యంలో తాజాగా హీరో రానా ఈ వెబ్ సిరీస్ గురించి ఓ ఇంట్రెస్టింగ్ విషయాన్ని పంచుకున్నారు. ఆయన నిర్మాణంలో వస్తోన్న ఇట్స్ కాంప్లికేటడ్ చిత్రానికి సంబంధించిన ఓ ఈవెంట్లో రానా మాట్లాడారు. రానా సంబంధించిన ట్రైలర్‌ సిద్ధంగా ఉందని, రిలీజ్ డేట్ కుడా ఖరారైనట్లు ఆయన తెలిపారు. త్వరలోనే స్ట్రీమింగ్‌కు వస్తుందని అన్నారు.
Rana Naidu Season 1 : హాలీవుడ్ వెబ్సరీస్ 'రే డొనోవన్' ఆధారంగా ఇండియన్ నేటివిటికి తగ్గట్లుగా రూపొందింది 'రానా నాయుడు'. సుపర్న్ వర్మ, కరణ్ అన్షుమన్ డైరెక్ట్ర్లుగా వ్యవహించారు. పలు ఎపిసోడ్లుగా రూపొందిన ఈ సిరీస్లో బోల్డ్ కంటెంట్ కాస్త ఎక్కువైందని పబ్లిక్ టాక్. అయితే దీనికి తెలుగులో కంటే హిందీ, ఇతర భాషల్లో ఎక్కువ స్పందన వచ్చింది.
మరోవైపు సినిమాలకే పరిమితమైన విక్టరీ వెంకటేశ్ తొలిసారి వెబ్ సిరీస్లో నటించారు. రానా తన నటనతో అభిమానుల అంచనాలు అందుకున్నారు. అంతేకాకుండా భారత్లో ఎక్కువ వ్యూస్ పొందిన సిరీస్గా రికార్డుకెక్కింది. మూడు వారాల పాటు మోస్ట్ వ్యూస్ ఆఫ్ ది సిరీస్గా దేశంలోనే నంబర్ 1 స్థానంలో ట్రెండ్ అయ్యింది కూడా. ఇక విడుదల తర్వాత రెండు వారాల పాటు నెట్‌ఫ్లిక్స్ గ్లోబల్ టాప్ 10లో నాన్-ఇంగ్లీష్ టీవీ షోల కేటగిరిలో 'రానా నాయుడు' ట్రెండ్ అయ్యింది.
