Nani Hit 3 Movie : నేచురల్ స్టార్ నాని లీడ్ ప్రస్తుతం వరుస సక్సెస్లతో బిజీగా ఉన్నారు. ఇటవలే 'సరిపోదా శనివారం'తో అభిమానులను అలరించిన ఆయన, ఆ తర్వాత కూడా వరుస సినిమాలను లైనప్లో పెట్టారు. అందులో హిట్ ఫ్రాంచైజ్ ఒకటి. ఇప్పటికే ఆయన 'హిట్ 2'లో అతిథి పాత్ర చేసి అలరించగా, ఇప్పుడు 'హిట్ 3'లో ఫుల్ లెంగ్త్ క్యారెక్టర్లో కనిపించనున్నారు. ఈ విషయాన్ని గతంలోనే వెల్లడించగా, తాజాగా కన్ఫార్మ్ చేస్తూ మేకర్స్ అఫీషియల్ అనౌన్స్మెంట్ చేశారు. 'సర్కార్ టేక్స్ ఛార్జ్' అంటూ నాని క్యారెక్టర్ను పరిచయం చేశారు.
క్రైమ్‌ థ్రిల్లర్గా రూపొందనున్న ఈ చిత్రంలో అర్జున్‌ సర్కార్ అనే ఓ పవర్ఫుల్ ఐపీఎస్‌ ఆఫీసర్గా నాని కనిపించనున్నారు. శైలేశ్‌ కొలను డైరెక్షన్లో ఇది పట్టాలెక్కనుంది. ప్రస్తుతం ప్రీ ప్రొడక్షన్‌ పనుల్లో బిజీగా ఉన్న ఈ చిత్రానికి సంబంధించిన రెగ్యులర్‌ షూటింగ్‌ త్వరలోనే ప్రారంభం కానుంది. 2025 మే 1న ప్రపంచవ్యాప్తంగా ఈ మూవీ రిలీజవ్వనుంది.
ఇక హిట్ ఫ్రాంచైజీలో ఇంతకుముందు విష్వక్‌ సేన్‌ 'హిట్', అలాగే అడివి శేష్‌ 'హిట్ 2'లో నటించారు. ఈ రెండు సినిమాలు కూడా బాక్సాఫీస్ వద్ద సూపర్ సక్సెస్ సాధించాయి. దీంతో 'హిట్ 3'పై భారీ అంచనాలే నెలకొన్నాయి. అయితే నాని తొలిసారిగా పోలీస్ పాత్రలో నటించడం విశేషం.