Kalki 2898 AD Vijay Devarkonda Dulquer Salman : 'కల్కి 2898 ఏడీ' సినిమా థియేటర్లలో రిలీజై బ్లాక్ బస్టర్ టాక్తో దూసుకుపోతోంది. యూఎస్ఏ ప్రీమియర్స్, తొలి షో నుంచే పాజిటివ్ టాక్ దక్కించుకున్న ఈ చిత్రం బాక్సాఫీస్ను షేక్ చేసేలా కనిపిస్తోంది. ముఖ్యంగా సంగీతం ప్రాణం పోసిందంటూ చెబుతున్నారు. అలాగే ప్రతిఒక్కరి నటన అద్భుతంగా ఉందంటూ ఆడియెన్స్ కామెంట్లు చేస్తున్నారు. ప్రభాస్, అమితాబ్ యాక్షన్ సీక్వెన్స్లు అదిరిపోయాయంటూ అభిప్రాయం వ్యక్తం చేస్తున్నారు. అయితే ఈ ఇద్దరు హీరోలతో పాటు మరీ ముఖ్యంగా విజయ్ దేవరకొండ గురించి కూడా తెగ చర్చించుకుంటున్నారు. ఆయనకు సంబంధించిన వీడియోలను తెగ షేర్ చేస్తున్నారు.
వాస్తవానికి మొదట నుంచి ఈ చిత్రంలో గెస్ట్ రోల్స్ చాలానే ఉన్నాయని ప్రచారం సాగింది. వారిలో విజయ్ దేవరకొండ, దుల్కర్ సల్మాన్, దర్శకుడు రామ్ గోపాల్ వర్మ, దర్శకధీరుడు రాజమౌళి పేర్లు కూాడా వినిపించాయి. ప్రచారం సాగినట్టుగానే వీరంతా సినిమాలో ఆయా పాత్రల్లో తళుకున్న మెరిశారు. అలానే సినిమా రిలీజ్కు కొన్ని గంటల ముందు విజయ్, దుల్కర్ ఉన్నట్టు దర్శకుడు నాగ్ అశ్విన్ కూడా స్పష్టం చేశారు.
అయితే తాజాగా సినిమా రిలీజైన తర్వాత విజయ్ దేవరకొండ సోషల్ మీడియాలో బాగా ట్రెండ్ అవుతున్నారు. సినిమాలో ఆయనకు సంబంధించిన సీన్స్ తెగ వైరల్ అవుతోంది. ఇందులో ఆయన అర్జునుడిగా కనిపించారు. అశ్వత్థామపై(అమితాబ్) యుద్ధం చేస్తున్న సమయంలో సంభాషణ చెబుతూ కనిపించారు. ఇది చూసిన సినీ ప్రియులు విజయ్ దేవరకొండ లుక్, డైలాగ్ డెలివరీ అదిరిపోయిందని అందరూ తెగ ప్రశంసిస్తున్నారు.