Nani Hit 3 Teaser : నేచురల్ స్టార్ నాని లేటెస్ట్ సినిమా 'హిట్ 3: ది థర్డ్‌ కేస్‌'. శైలేశ్ కొలను దర్శకత్వంలో ఈ సినిమా తెరెక్కుతోంది. శరవేగంగా షూటింగ్ జరుపుకుంటున్న ఈ సినిమా 2025 మే 1న సినిమా రిలీజ్ కానుంది. ఈ నేపథ్యంలో మేకర్స్ సోమవారం టీజర్ రిలీజ్ చేశారు. ఫుల్ మాస్ యాక్షన్ ఎలిమెంట్స్తో ఉన్న ఈ టీజర్ ప్రేక్షకులను విపరీతంగా ఆకట్టుకుంటుంది.
భారీ రెస్పాన్స్తో యూట్యూబ్లో రికార్డులు బద్దలుకొడుతోంది. రిలీజైన 24 గంటల్లోపే 17+ మిలియన్ వ్యూస్తో టీజర్ దూసుకుపోతోంది. బ్యాక్గ్రౌండ్ మ్యూజిక్, నాని లుక్స్ ఫుల్గా ఆకట్టుకుంటున్నాయి. ఈ నేపథ్యంలోనే హీరో నాని, విజయ్ దేవరకొండ రికార్డును బీట్‌ చేశారు. రీసెంట్గా రిలీజైన విజయ్ దేవరకొండ 'కింగ్డమ్' టీజర్ వ్యూస్ను 'హిట్ 3' ఈజీగా దాటేసింది.
ఒక్కరోజులోనే
విజయ్ దేవరకొండ లీడ్ రోల్లో తెరకెక్కుతున్న సినిమా 'కింగ్డమ్'. ఈ సినిమాకు గౌతమ్ తిన్ననూరి దర్శకత్వం వహిస్తున్నారు. మే 30న ఇది థియేటర్లలోకి రానుంది. ఈ క్రమంలో ఫిబ్రవరి 12న మేకర్స్ టీజర్ రిలీజ్ చేశారు. ఇందులో విజయ్ కొత్త పాత్రలో కనిపించనున్నారు. అయితే ఈ టీజర్కు 12రోజుల్లో కలిపి 15+ మిలియన్ వ్యూస్ రాగా, సోమవారం విడుదలైన నాని 'హిట్ 3'కు ఒక్కరోజు కూడా పూర్తి అవ్వకముందే 17+ మిలియన్ వ్యూస్ దక్కాయి. అంటే విజయ్ 'కింగ్డమ్' 12 రోజుల పూర్తి వ్యూస్ను, నాని 'హిట్ 3'తో 24గంటల్లోపే బ్రేక్ చేశారు.
టీజర్లో ఏముంది?
'అర్జున్ సర్కార్‌ లాఠీ చేత పట్టాడంటే, వాడి చేతికి దొరికినోడి పరిస్థితేంటో అని అలోచిస్తే భయమేస్తుంది' అంటూ టీజర్ మొదలైంది. అయితే అర్జున్ వాలకం చూస్తే ఇంతకీ పోలీసు అధికారేనా అనే సందేహం కలుగుతుంది ఎవ్వరికైనా. అలాంటి అర్జున్ సర్కార్‌ ఓ కేసు కోసం రంగంలోకి దిగాడు. ఒకే తరహాలో జరుగుతున్న హత్యలు, ఆ కేసు కోసం రంగంలోకి దిగిన పోలీసు అధికారి అర్జున్ సర్కార్‌ చుట్టూ తిరిగే కథతో ఈ చిత్రం తెరకెక్కింది. మరి ఆ కేసుని ఎలా ఛేదించాడో తెరపై చూడాల్సిందే.
కాగా, ఈ సినిమాలో శ్రీనిధి శెట్టి హీరోయిన్గా నటిస్తోంది. మిక్కీ జే మేయర్ మ్యూజిక్ అందిస్తుండగా, సాను జాన్‌ వర్ఘీస్ ఛాయాగ్రహణం బాధ్యతలు చూస్తున్నారు. ఇక యునానిమస్‌ ప్రొడక్షన్స్‌తో కలిసి వాల్‌ పోస్టర్‌ సినిమా బ్యానర్పై ప్రశాంతి తిపిర్నేని నిర్మిస్తున్నారు.
నాని 'హిట్ 3' టీజర్- ఫుల్ వైలెంట్ గ్లింప్స్ చూశారా?
విజయ్ 'కింగ్డమ్'లో తారక్- పవర్ఫుల్ వాయిస్తో టీజర్ రిలీజ్
