Shruti Haasan Fake Name : స్టార్ హీరో కమల్ హాసన్ కుమార్తె అయినప్పటికీ శ్రుతి హాసన్ ఇండస్ట్రీలో సొంత గుర్తింపుతో ఎదిగారు. ఆమె ప్రతిభ, హార్డ్వర్క్తో స్టార్ హీరోయిన్గా పేరు సంపాదించారు. ప్రస్తుతం తెలుగు, తమిళంలో అగ్ర నటిగా కొనసాగుతున్నారు. ఆమె తమిళంసహా తెలుగులో పలు బ్లాక్బస్టర్ సినిమాల్లో నటించి స్టార్ హోదా సొంతం చేసుకున్నారు.
అయితే కెరీర్ ప్రారంభంలో తల్లిదండ్రుల పేర్లు ఉప‌యోగించ‌కుండా, డ్యూప్లికేట్ పేరుతో అవ‌కాశాల కోసం ప్ర‌య‌త్నించినట్లు శ్రుతి చెప్పారు. ఇండస్ట్రీలో పెద్ద స్టార్లుగా ఉన్న వాళ్ల కీర్తి ప్ర‌తిష్ఠ‌ల‌ను వాడుకొని అవ‌కాశాలు పొందాల‌ని అనుకోలేద‌ని ఆమె తెలిపారు. రీసెంట్గా బెంగళూరులో జరిగిన మహిళా క్రికెట్ టోర్నీ ఈవెంట్‌కు హాజరైన శ్రుతిహాస‌న్ తన కెరీర్ సీక్రెట్స్ బయటపెట్టారు.
'నా చిన్నప్పుడు నా తల్లిదండ్రులు ఫేమ‌స్‌, కానీ నేను కాదు. వాళ్ల కుమార్తెగా పెరగడంతోనే కీర్తి, ప్రతిష్ఠలు అంటే గ్రహించగలిగాను. అవి పొందాలంటే చాలా కష్టపడాలి. నా పేరెంట్స్ కష్టపడడం నేను చూశాను. మా నాన్న షూటింగ్కు వెళ్లడం, పాత్రల కోసం శిక్షణ పొందడం ఇలా కెరీర్లో ఎంతో కృషి చేశారు'
'అయితే కీర్తి, ప్రతిష్ఠలు ఎవరికీ శాశ్వతం కాదని నేను నమ్ముతాను. నేను వాళ్ల పేరుతో కాకుండా సొంతంగా ఎదగాలని అనుకున్నా. వాళ్లపై ఆధారపడి కెరీర్ నిర్మించుకోవాలని అనుకోలేదు. ప్రేక్షకులు నన్ను నన్నుగా గుర్తించాలనుకున్నా. అందుకే కెరీర్ ప్రారంభంలో ఎవ్వరికీ తెలియకూడదని డ్యూప్లికేట్ పేరు పెట్టుకున్నా' అని శ్రుతి పేర్కొన్నారు.
కాగా, ప్రస్తుతం శ్రుతి 'కూలీ' సినిమాతో బిజీగా ఉన్నారు. సూపర్ స్టార్ రజనీకాంత్ హీరోగా, స్టార్ డైరెక్టర్ లోకేశ్ కనగరాజ్ ఇది తెరకెక్కిస్తున్నారు. దీంతోపాటు ఆమె పాన్ఇండియా ఫిల్మ్ 'సలార్ 2'లోనూ కనిపించనున్నారు. రెబల్ స్టార్ ప్రభాస్- ప్రశాంత్ నీల్ కాంబోలో ఇది తెరకెక్కుతోంది. 2023లో రిలీజైన 'సలార్ సీజ్ఫైర్'కు ఇది సీక్వెల్. 'శౌర్యంగ పర్వం' పేరుతో సలార్ రెండో పార్ట్ రానుంది. ఈ సినిమా వచ్చే ఏడాది సెట్స్పైకి వెళ్లనున్నట్లు తెలుస్తోంది.
పెళ్లి రూమర్స్పై శ్రుతి క్లారిటీ! 'మొత్తానికి చేసుకోను అని చెప్పలేను కానీ!'
'రజనీతో ఇక ఎప్పటికీ పని చేయరా!?' - కమల్ హాసన్ క్లారిటీ ఇదే!
