Kriti Kharbanda Marriage Photos :బాలీవుడ్ స్టార్స్ కృతి కర్బంద, పులకిత్ సామ్రాట్ వివాహ బంధంతో ఒక్కటయ్యారు. దిల్లీలోని ఓ ప్రైవేట్ హోటల్లో అతి కొద్ది మంది సమక్షంలో ఈ పెళ్లి గ్రాండ్గా జరిగింది. దీనికి సంబంధించిన ఫొటోలను నటి కృతి తన ఇన్స్టాగ్రామ్లో షేర్ చేసింది. ప్రస్తుతం ఈ ఫొటోలు సోషల్ మీడియాలో తెగ ట్రెండ్ అవుతోంది. ఇది చూసిన ఫ్యాన్స్ ఈ జంటకు కంగ్రాజ్యూలేషన్స్ తెలుపుతున్నారు. ఫొటోలు చూడముచ్చటగా ఉన్నాయంటూ కామెంట్లు పెడుతున్నారు. మరోవైపు ఈ జంట పెళ్లి అవుట్ఫిట్ కూడా చాలా డిఫరెంట్గా ఉంది. వరుడు గ్రీన్ కలర్ డ్రెస్లో మెరవగా, వధువు పింక్ కలర్ లెహంగాలో కనిపించింది. ఇలా వీరిద్దరు కొత్త స్టైల్లో డ్రెస్ వేసుకోవడం వేడుకకు స్పెషల్ అట్రాక్షన్గా నిలిచింది.
Kriti Kharbanda Movies : ఇక కృతి సినిమాల విషయానికి వస్తే - 'బోణీ' అనే తెలుగు సినిమాతో కృతి టాలీవుడ్లోకి ఎంట్రీ ఇచ్చింది. ఈ సినిమాతోనే ఆమె తన కెరీర్ను మొదలుపెట్టింది. తొలి సినిమా ఆమెకు గుర్తింపు తెచ్చిపెట్టనప్పటికీ, నటిగా ఆమెకు మంచి మార్కులు పడ్డాయి. దీంతో తెలుగులో వరసు ఆఫర్లు వచ్చాయి. దీంతో 'బోణీ' తర్వాత 'తీన్మార్', 'అలా మొదలైంది'. 'మిస్టర్ నూకయ్య', 'ఒంగోలు గిత్త', 'ఓం త్రీడీ', 'బ్రూస్ లీ' ఇలా టాలీవుడ్లో వరుస ఆఫర్లు అందుకుని ఇక్కడి ప్రేక్షకులకు చేరువైంది.
ఆ తర్వాత కొంతకాలానికి బీటౌన్కు షిష్ట్ అయ్యి అక్కడి ఆడియెన్స్ను అలరించింది. అలా గత ఆరేళ్ల నుంచి పూర్తిగా హిందీ సినిమాలపై ఫోకస్ పెట్టింది. అప్పుడప్పుడు కన్నడ, తమిళ సినిమాల్లో కనిపించి ప్రేక్షకులను ఆకట్టుకుంది. అయితే బాలీవుడ్ హీరో పులకిత్ సామ్రాట్‌తో ఈమె రిలేషన్‌లో ఉన్నట్లు గతంలో రూమర్స్ వచ్చాయి.