NTR Devara Twitter Review : 'దేవర'తో థియేటర్లలో మాస్‌ యాక్షన్ హంగామా రుచి చూపించారు యంగ్ టైగర్ ఎన్టీఆర్. ఆయన తండ్రీకొడుకులుగా ద్విపాత్రాభినయం చేసిన ఈ పాన్ ఇండియా చిత్రం తాజాగా భారీ అంచనాలతో థియేటర్లలోకి వచ్చేసింది. 'ఆర్ఆర్ఆర్'తో(మల్టీస్టారర్) మ్యాన్ ఆఫ్ మాసెస్ ఎన్టీఆర్ ఇమేజ్ అంతర్జాతీయ స్థాయికి వెళ్లిన సంగతి తెలిసిందే. ఆ సినిమా తర్వాత ఆయన నటించిన సినిమా 'దేవర'నే (Devara Part 1). దాదాపు ఆరేళ్ల తర్వాత ఎన్టీఆర్ సోలో హీరోగా చేసిన చిత్రమిది.
ఆచార్య వంటి ఫ్లాప్ తర్వాత ఎలాగైనా గట్టి హిట్ కొట్టాలని పట్టుదలతో కొరటాల శివ తెరకెక్కించారు. యువసుధ ఆర్ట్స్, ఎన్టీఆర్ ఆర్ట్స్ సంస్థలు సంయుక్తంగా నిర్మించాయి. జాన్వీ కపూర్‌ ఈ చిత్రంతో టాలీవుడ్కు ఎంట్రీ ఇవ్వగా, సైఫ్ అలీ ఖాన్ ప్రతినాయకుడిగా నటించారు. అయితే రిలీజ్‌కు ముందే ప్రీ సేల్స్, అడ్వాన్స్ బుకింగ్స్‌తో పలు రికార్డులు క్రియేట్ చేసిన 'దేవర' ప్రస్తుతం పాన్ ఇండియన్ లెవెల్‌లో తెలుగు, హిందీతో పాటు ఇత‌ర ద‌క్షిణాది భాష‌ల్లో రిలీజైంది. ఇంతకీ ఈ మూవీ ట్విట్ట‌ర్ టాక్ ఎలా ఉందంటే?
కథేంటంటే?(Devara Movie Story) : ఎర్ర సముద్రంలో నాలుగు గ్రామాలు ఉండగా అక్కడి ప్రజలు జీవనోపాధి కోసం మురుగ (మురళీ శర్మ) కోసం పని చేస్తుంటారు. కార్గో షిప్స్లో అక్రమంగా తీసుకొచ్చిన సరుకును కోస్ట్ గార్డుల కంట పడకుండా ఒడ్డుకు తెస్తుంటారు. కానీ అందులో ఏముందనేది తెలుసుకోరు.
అలా అక్రమంగా తీసుకొచ్చిన సరుకు వల్ల ఓ సందర్భంలో ఓ ప్రాణం పోతుంది. ఇది తెలిసి మురుగ కోసం పని చేయకూడదని దేవర(ఎన్టీఆర్) నిర్ణయిస్తాడు. అలానే ఎర్ర సముద్రంలో అతడి మాటకు తిరుగుందడదు. అతడిని ఎదిరించే ధైర్యం కూడా ఎవరికీ ఉండదు. దీంతో ఇష్టం లేకున్నా మౌనంగా ఉంటూనే భైరా (సైఫ్ అలీ ఖాన్), చివరకు దేవర ప్రాణం తీయడానికి ప్రణాళిక రచిస్తాడు. అయితే ఈ కథ సింపుల్‌గానే ఉన్నా కొరటాల తన స్క్రీన్‌ ప్లేతో మ్యాజిక్ చేశాడ‌ని టాక్ వినిపిస్తోంది.