NTR Devara Movie Interesting Facts : యంగ్ టైగర్ ఎన్టీఆర్ సోలో హీరోగా ఆరేళ్ల తర్వాత బాక్సాఫీస్ ముందుకు వస్తున్న చిత్రం 'దేవర'. అంతకుముందు ఆయన నుంచి అరవింద సమేత సినిమా వచ్చింది. ఆ తర్వాత ఆర్ఆర్ఆర్‌ లాంటి మల్టీస్టారర్ బ్లాక్ బస్టర్ సినిమాలో నటించారు.
- ఎన్టీఆర్ డ్యుయెల్ రోల్ చేసిన నాలుగో సినిమా ఇది. అంతకుముందు ఆంధ్రావాలా, అదుర్స్‌, శక్తి సినిమాల్లో ద్విపాత్రాభినయం చేశారు. ప్రస్తుతం దేవరలో దేవర, వర అనే పాత్రలు చేశారు.
- ఎన్టీఆర్ 4 భాషల్లో (తెలుగు, హిందీ, కన్నడ, తమిళ్) డబ్బింగ్ చెప్పారు. సైఫ్‌ అలీ ఖాన్‌ పాత్రకు పి.రవిశంకర్‌ డబ్బింగ్ చెప్పారు.
- 1980-90 నేపథ్యంలో దేవర కథ సాగుతుంది. కమర్షియల్‌ చిత్రాలకు భిన్నంగా దీన్ని తీర్చిదిద్దారు. సినిమాలో ఇతరులను చంపుతూ ధైర్యంతో బతికే వాళ్లకు భయాన్ని పుట్టించే వ్యక్తి’గా ఎన్టీఆర్ కనిపించనున్నారు.
- బాలీవుడ్‌ స్టార్ యాక్టర్ సైఫ్‌ అలీఖాన్‌ డైరెక్ట్గా నటిస్తున్న తొలి తెలుగు సినిమా ఇదే. సినిమాలో భైర అనే పాత్ర పోషించారు.
- ఈ దేవర చిత్రంతోనే జాన్వీ కపూర్‌ టాలీవుడ్కు పరిచయం కానున్నారు. ఇందులో ఆమె తంగం అనే పాత్ర పోషించారు. మొదటి భాగంతో పోలిస్తే రెండో భాగంలో ఆమె పాత్రకు మరింత ప్రాధాన్యం ఉంటుందట.
- మరాఠీ నటి శ్రుతి మరాఠే దేవరలో కీలక పాత్ర పోషించారు. దేవర భార్య పాత్రలో ఆమె కనిపించారని సమాచారం. ఆమె పాత్రపై మూవీటీమ్ సస్పెన్స్‌ ఉంచింది.
- దేవర కథ మొత్తం దాదాపు 9 గంటలకు పైగా ఉంటుందట. అందుకే రెండు భాగాలుగా తెరకెక్కిస్తున్నారు.
- 'దేవర' క్లైమాక్స్‌లో చివరి 40 నిమిషాలు అండర్‌ వాటర్‌ సీక్వెన్స్‌ సినిమాకే హైలైట్‌ అని అంటున్నారు.
- అండర్‌ వాటర్‌ సీన్స్ కోసం ఎన్టీఆర్ ప్రత్యేక శిక్షణ తీసుకున్నారు. 200 చదరపు గజాల్లో సముద్రాన్ని పోలిన సెట్‌ వేశారు. 35 రోజుల పాటు చిత్రీకరణ చేశారు. కృత్రిమ అలలు క్రియేట్ చేశారు. ట్రైలర్ చూపించిన షార్క్‌ షాట్‌ తీయడానికి రోజంతా సమయం పట్టిందట.
- వాటర్‌ సీక్వెన్స్‌లో ఉపోయోగించే పడవలను కళా దర్శకుడు సాబు సిరిల్‌ డిజైన్‌ చేశారు. 90ల కాలంనాటి పరిస్థితులకు అనుగుణంగా వాటిని తీర్చిదిద్దారు.
- దేవరలో నైట్‌ ఎఫెక్ట్‌ కోసం అతి తక్కువ వెలుతురులో షాట్స్‌ తీశారు.
- దేవర రిలీజ్కు ముందు పలు రికార్డులను క్రియేట్ చేసింది. ఓవర్సీస్‌లో ప్రీసేల్‌లో అత్యంత వేగంగా మిలియన్‌ డాలర్ల క్లబ్‌లో చేరింది. ట్రైలర్ కూడా రిలీజ్ కాకముందే ఈ ఘనత సాధించిన తొలి ఇండియన్ మూవీ ఇదే.
- ఆస్ట్రేలియా, న్యూజిలాండ్‌లలో అత్యధిక సంఖ్యలో డాల్బీ అట్మాస్‌ షోలను ప్రదర్శించనున్న మొదటి ఇండియన్ సినిమాగానూ దేవర నిలిచింది.
- లాస్‌ ఏంజిల్స్‌ వేదికగా బియాండ్‌ ఫెస్ట్‌లో ప్రదర్శితం కానున్న తొలి భారతీయ చిత్రంగా దేవర రికార్డుకెక్కింది.
- సినిమాలోని చుట్టమల్లే సాంగ్ అయితే సెన్సేషన్‌ క్రియేట్ చేసింది. అత్యంత వేగంగా యూట్యూబ్‌లో 100 మిలియన్‌ వ్యూస్‌ దక్కించుకుంది.