Keerthy Suresh Marriage :సౌత్ ఇండియా స్టార్ హీరోయిన్ కీర్తి సురేశ్ గురించి సినీ ప్రియులకు ప్రత్యేకంగా పరిచయం చేయాల్సిన అవసరం లేదు. 'నేను శైలజ' సినిమాతో టాలీవుడ్ ఇండ‌స్ట్రీలోకి అడుగుపెట్టిన ఈ ముద్దుగుమ్మ తక్కువ కాలంలోనే స్టార్ స్టేటస్ ఇమేజ్ క్రియేట్ చేసుకుంది. 'మహానటి' సినిమాతో ఇండియా వైడ్గా పాపులరై, నేషనల్ అవార్డ్ దక్కించుకుంది. అయితే కీర్తి సురేశ్ గురించి సోషల్ మీడియాలో ఓ క్రేజీ న్యూస్ చక్కర్లు కొడుతోంది.
డెస్టినేషన్ వెడ్డింగ్!
మరికొన్ని రోజుల్లోనే కీర్తి సురేశ్ పెళ్లి చేసుకోబోతుందంటూ ఓ వార్త వైరల్ అవుతోంది. తన ఫ్రెండ్, ప్రియుడు ఆంటోని తట్టిల్ను కీర్తి సురేశ్ పెళ్లాడనున్నారని కోలీవుడ్ ఇండస్ట్రీలో టాక్ నడుస్తోంది. వాళ్లిద్దరిది 16ఏళ్ల ప్రేమ బంధం అని ఇండస్ట్రీ వర్గాల టాక్. ఇక ఈ జంట డిసెంబరు 11న గోవాలో డెస్టినేషన్ వెడ్డింగ్ చేసుకోనున్నారని సమాచారం. ఎక్కడా ఆ విషయం బయటపడకుండా జాగ్రత్తలు తీసుకున్నట్లు తెలుస్తోంది.
క్లారిటీ మాత్రం!
అయితే కీర్తి సురేశ్ పెళ్లిపై ఇప్పటివరకు ఎలాంటి అధికారిక ప్రకటన రాలేదు. దీనిపై కీర్తి నుంచి గానీ, ఆమె కుటుంబ సభ్యులుగానీ ఇంకా స్పందించలేదు. కానీ, కీర్తి మ్యారెజ్ గురించి మాత్రం కొద్ది రోజులుగా సోషల్ మీడియాలో ఊహగానాలు వినిపిస్తున్నాయి.