Kalki Latest Update:రెబల్ స్టార్ ప్రభాస్- నాగ్ అశ్విన్ కాంబోలో తెరకెక్కుతున్న సినిమా 'కల్కీ 2898 AD'. అత్యంత భారీ బడ్జెట్తో రూపొందుతున్న ఈ మూవీ కోసం యావత్ సినీ ప్రపంచం ఆత్రుతగా ఎదురు చూస్తోంది. అయితే ముందుగా అనౌన్స్ చేసిన ప్రకారం కల్కి వచ్చే నేల (మే) 9న రిలీజ్ కావాల్సి ఉంది. కానీ, సినిమా విడుదల వాయిదా పడనున్నట్లు తెలుస్తోంది. ఈ క్రమంలో కొన్ని రోజులుగా కల్కి రిలీజ్ సినీ వర్గాల్లో చర్చనీయాంశంగా మారింది.
ఇలాంటి సమయంలో మూవీ మేకర్స్ నుంచి ఓ సాలిడ్ అప్డేట్ వచ్చింది. సినిమా నుంచి మేకర్స్ మరో పోస్టర్ రిలీజ్ చేశారు. ఈ పోస్టర్కు 'అతడు ఎవరో తెలుసుకునే సమయం వచ్చింది' అనే క్యాప్షన్ జోడించారు. ఆదివారం (ఏప్రిల్ 21) సాయంత్రం 7.30 నిమిషాలకు స్టార్ స్పోర్ట్స్ (@StarSportsIndia)లో ఈ అప్డేట్ ఇవ్వనున్నట్లు మెన్షన్ చేశారు. ఈ ఛానెల్లో ఈ పోస్టర్లో ఓ నటుడు సాధువు గెటప్లో ఉన్నాడు. అతడి ఫేస్ ముసుగుతో కవర్ చేసి ఉంది. అతడు ఎవరో తెలుసుకునే సమయం వచ్చింది అంటూ పోస్టర్ రిలీజ్ చేశారు. కానీ, ఆయన బాలీవుడ్ బిగ్బీ అమితాబ్ బచ్చన్ అని ఈజీగా అర్థమైపోతుందని నెటిజన్లు అంటున్నారు. దీంతో ఆదివారం సాయంత్రం ఈ అప్డేట్తోపాటు మూవీ రిలీజ్ డేట్పై కూడా క్లారిటీ ఇస్తారని ఫ్యాన్స్, మూవీ లవర్స్ ఆశిస్తున్నారు. చూడాలి మరి కల్కి మేకర్స్ ఇచ్చే అప్డేట్ ఎంటో?
రిలీజ్పై క్లారిటీ పక్కా:అయితే కల్కి ప్రొడ్యూసర్లు రీసెంట్గా డిస్ట్రిబ్యూటర్లతో సమావేశమయ్యారట. ఈ మీటింగ్లో మెయిన్గా సినిమా విడుదలపైనే చర్చించినట్లు తెలుస్తోంది. దీంతో మూవీటీమ్ రిలీడ్ డేట్పై ఓ నిర్ణయం తీసుకున్నట్లు ఉంది. అందుకే ఇదే అప్డేట్లో రిలీజ్పై కూడా క్లారిటీ ఇచ్చే ఛాన్స్ ఉంది.