Rashmika On National Crush Tag : యంగ్ హీరోయిన్ రష్మిక మంధన్నా ప్రస్తుతం కెరీర్లో జెట్ స్పీడ్తో దూసుకెళ్తున్నారు. ఆమె తాజాగా 'ఛావా' సినిమాతో ప్రేక్షకుల ముందుకు వచ్చారు. ఈ సినిమాలో మహారాణి యేసుబాయి పాత్రలో కనిపించి ఆకట్టుకున్నారు. అయితే 'ఛావా' ప్రమోషన్స్లో భాగంగా ఆమె రీసెంట్గా ఓ ఇంటర్వ్యూలో పాల్గొన్నారు. ఈ సందర్భంగా ఆమెకు ఉన్న 'నేషనల్ క్రష్' ట్యాగ్ గురించి మాట్లాడారు. కేవలం ట్యాగ్‌ల వల్ల మాత్రమే సినిమా టికెట్లు అమ్ముడుపోవని అన్నారు. వీటి కంటే ప్రేక్షకుల ప్రేమాభిమానాలు తనకు ముఖ్యమని తెలిపారు.
'కెరీర్లో ఎదగడానికి ట్యాగ్స్ ఉపయోగపడతాయంటే నేను నమ్మను. అలాంటివి ఫ్యాన్స్ ప్రేమగా ఇస్తుంటారు. ఏది ఏమైనా అవి కేవలం ట్యాగ్స్ మాత్రమే. టికెట్ సేల్స్పై వాటి ప్రభావమేమీ ఉండదు. మనం నటించే సినిమాలు, ప్రేక్షకుల ప్రేమాభిమానాలే టికెట్ సేల్స్పై ప్రభావం చూపిస్తాయి. అనుకోకుండా ఇండస్ట్రీలోకి వచ్చాను. 24 సినిమాల్లో నటించాను. నాకంటూ ఓ గుర్తింపు తెచ్చుకుని, నా జర్నీని ఎంజాయ్ చేస్తున్నా' అని రష్మిక చెప్పారు.
ఇక సౌత్ ఇండస్ట్రీతోపాటు బాలీవుడ్లోనూ రాణించడంపై రష్మిక మాచ్లాడారు. 'అన్ని ప్రాంతాల ప్రేక్షకుల ఆదరణ సొంతం చేసుకోవడం ఆనందంగా ఉంది. అందుకు అనుగుణంగానే కష్టపడుతున్నా. కొన్నిసార్లు నిద్రకు టాటా చెప్పి మరీ, కెరీర్పై ఎక్కువగా ఫోకస్‌ చేస్తున్నా' అని అన్నారు. కాగా, రష్మిక ఇప్పటికే 'యానిమల్'తో బాలీవుడ్లో భారీ సక్సెస్ ఖాతాలో వేసుకున్నారు.
