తమన్​కు బాలయ్య ఖరీదైన గిఫ్ట్​ - 'టాలెంట్‌ను అభినందించడంలో ఆయన స్టైలే వేరు'

తమన్​కు టాలెంట్‌ను అభినందిస్తూ బాలయ్య ఖరీదైన గిఫ్ట్​ - ఫొటోలు చూశారా?

Balakrishna Gift To Thaman : నందమూరి నటసింహం బాలకృష్ణ తాజాగా మ్యాజిక్ డైరెక్టర్ తమన్‌కు ఓ ఖరీదైన కానుక ఇచ్చారు. తమన్‌ టాలెంట్‌ను అభినందిస్తూ ఆయన పోర్షే కారును గిఫ్ట్‌గా అందించారు. రీసెంట్​గా బాలయ్య ఈ ఆ కారును తమన్​కు అందజేశారు. కెరీర్​లో మరెన్నో విజయాలు అందుకోవాలని ఆశీర్వదించారు.

ప్రస్తుతం దీనికి సంబంధించిన ఫొటోలు నెట్టింట తెగ ట్రెండ్ అవుతున్నాయి. ఇది చూసి ఫ్యాన్స్ 'బాలయ్య మనసు బంగారం', 'ఆర్టిస్ట్​లను, అలాగే టాలెంట్‌ను అభినందించడంలో బాలయ్య స్టైలే వేరు' అంటూ కామెంట్లు పెడుతున్నారు.

A bond beyond cinema! ❤️❤️#NandamuriBalakrishna garu gifted a grand Porsche car to our sensational @MusicThaman garu ❤️😍

Their bond keeps growing showing that respect and admiration go beyond movies 🫶🏻 pic.twitter.com/Hp8bk4QxQy

— manabalayya.com (@manabalayya) February 15, 2025

హైదరాబాద్‌లోని క్యాన్సర్‌ ఆస్పత్రిలో ఆంకాలజీ యూనిట్‌ ప్రారంభోత్సవ సందర్భంగా బాలయ్య తమన్‌ గురించి పలు ఆసక్తికర వ్యాఖ్యలు చేశారు. "తమన్‌ నాకు సోదరుడితో సమానం. వరుసగా నాలుగు హిట్లను అందించిన తమ్ముడికి నేను ప్రేమతో ఈ కారును బహుమతిగా ఇచ్చాను. భవిష్యత్తులోనూ మా ఇద్దరి ప్రయాణం ఇలాగే కొనసాగుతోంది" అని అన్నారు.

మా డైరెక్టర్స్ అందరికి బోయపాటి గారికి, @megopichand గారికి,@AnilRavipudi గారికి,@dirbobby గారికి కృతజ్ఞతలు తెలియచేసుకుంటున్న - బాలయ్య ❤️🥰

ఆ సినిమాలు అన్నిటికి ఎంతో అద్భుతమైన music ఇచ్చారు మా తమ్ముడు @MusicThaman గారు, మా ఇద్దరిది ఎంతో ప్రత్యేకమైన అనుబంధం - బాలయ్య ❤️💥… pic.twitter.com/PuaAsjB3MH

— manabalayya.com (@manabalayya) February 15, 2025

బాలయ్య, తమన్​ కాంబోలో వచ్చిన సినిమాలు :
బాలయ్య, తమన్ కాంబో గురించి ప్రత్యేకంగా చెప్పనక్కర్లేదు. ఈ ఇద్దరికి టాలీవుడ్​లో మంచి క్రేజ్ ఉంది. బాలయ్య నటించిన 'డిక్టేటర్‌'తో ఈ ఇద్దరి ప్రయాణం ప్రారంభమవ్వగా, ఆ తర్వాత 'అఖండ', 'వీరసింహారెడ్డి', 'భగవంత్‌ కేసరి'తో పాటు రీసెంట్​గా సంక్రాంతి కానుకగా వచ్చిన 'డాకు మహారాజ్‌' వరకూ సక్సెస్​ఫుల్​గా సాగింది.

ముఖ్యంగా తమన్ 'అఖండ'కు అందించిన బ్యాక్​గ్రౌండ్ మ్యూజిక్​కు, అలాగే సాంగ్స్​కు సెపరేట్ ఫ్యాన్​ బేస్​ ఉంది. ప్రస్తుతం బాలయ్య అప్​కమింగ్ మూవీ 'అఖండ 2'కి కూడా తమన్‌ స్వరాలు అందిస్తున్నారు.

'నందమూరి కాదు, ఇకపై NBK తమన్'- బాలయ్య
ఇటీవలె సోషల్ మీడియాలో తమన్​ను ఫ్యాన్స్​ 'నందమూరి తమన్' సరదగా పిలుస్తున్నారు. అయితే దీనిపై 'డాకు మహారాజ్‌' సక్సెస్​మీట్​లో బాలయ్య స్పందించారు. ఇంతటి అద్భుతమైన మ్యూజిక్ అందించిన తమన్​ను ఆయన ప్రశంసించారు. ఈ క్రమంలోనే ఫ్యాన్స్‌ 'నందమూరి తమన్‌' అని పిలవడంపై ఆయన స్పందించారు. మ్యూజిక్ డైరెక్టర్​కు కొత్త పేరు పెట్టారు.

'తమన్​ గురించి ప్రత్యేకంగా చెప్పనక్కర్లేదు. అందరూ అతని ఇంటి పేరు మార్చేశారు. ఎస్ ఎస్ తమన్ కాదు, నందమూరి తమన్ అని అంటున్నారు. కానీ, నందమూరి కూడా కాదు. ఈరోజు నుంచి తనకు 'NBK తమన్'. అని నామకరణం చేస్తున్నా (నవ్వుతూ)' అని బాలయ్య అన్నారు.