Prabhas The Raja Saab Poster :రెబల్ స్టార్ ప్రభాస్ బర్త్ డే సందర్భంగా ఆయన అప్కమింగ్ మూవీ 'ది రాజా సాబ్' మేకర్స్, అభిమానుల కోసం ఓ డిఫరెంట్ మోషన్ పోస్టర్ను రిలీజ్ చేశారు. అందులో ప్రభాస్ ఎప్పుడూ చూడని విధంగా సరికొత్తగా కనిపించారు. ఇందులో ప్రభాస్ సింహాసనంపై కూర్చొని సిగార్ కాలుస్తూ రాజు లుక్లో కనిపించారు. బ్యాక్గ్రౌండ్ మ్యూజిక్ కూడా ఆకట్టుకునేలా సాగింది. అంతకుముందు రోజు విడుదల చేసిన పోస్టర్లో గళ్ల చొక్కా, కళ్లద్దాలు పెట్టుకుని స్టైల్‌గా నడుస్తూ కనిపించారు ప్రభాస్.
మారుతి దర్శకత్వంలో హారర్ కామెడీగా రాజాసాబ్ తెరకెక్కుతోంది. సీక్రెట్‌గా షూటింగ్ మొదలు పెట్టిన ఈ చిత్రాన్ని చాలా షెడ్యూళ్లు జరిపిన తర్వాత అఫీషియల్గా అనౌన్స్ చేశారు. మిగిలిన చిత్రీకరణను వీలైనంత త్వరగానే కంప్లీట్ చేసేలా చిత్ర యూనిట్ ప్లాన్ చేసుకుంటూ ముందుకు వెళ్తోంది.
కాగా, హర్రర్ థ్రిల్లర్ కాన్సెప్ట్తో రాబోతున్న 'ది రాజా సాబ్'లో ప్రభాస్తో పాటు నిధి అగర్వాల్, మాళవిక మోహనన్, రిద్ధి కుమార్‌ హీరోయిన్లుగా నటిస్తున్నారు. బాలీవుడ్ సీనియర్ స్టార్ హీరో సంజయ్ దత్ కీలక పాత్రలో నటిస్తున్నారు. పీపుల్ మీడియా ఫ్యాక్టరీ బ్యానర్‌ నిర్మిస్తోంది. టీజీ విశ్వప్రసాద్‌ నిర్మాతగా వ్యవహరిస్తున్నారు. మూవీ బ‌డ్జెట్ దాదాపు రూ. 200 కోట్లపైనే అని టాలీవుడ్ వ‌ర్గాల్లో ప్రచారం జ‌రుగుతోంది. తమన్ స్వరాలు సమకూరుస్తున్నాడు. తెలుగు సహా హిందీ, తమిళం, మళయాలం, కన్నడ భాషల్లో పాన్ఇండియా లెవెల్లో ఈ చిత్రం తెరకెక్కుతోండగా, వచ్చే ఏడాది ఏప్రిల్ 10న విడుదల కానుంది.