Game Changer Second Song :గ్లోబల్ స్టార్ రామ్చరణ్ లీడ్ రోల్లో తెరకెక్కిన 'గేమ్ ఛేంజర్' నుంచి బిగ్ అప్డేట్ వచ్చింది. మేకర్స్ ఈ సినిమా నుంచి రెండో సాంగ్ ప్రోమో రిలీజ్ డేట్ బుధవారం ప్రకటించారు. ఈ మేరకు ఓ పోస్టర్ రిలీజ్ చేశారు. ఈ పోస్టర్రో హీరో రామ్చరణ్ ఫార్మల్ ఔట్ఫిట్లో క్లాస్గా కనిపిస్తున్నారు. 'పండగ మొదలైంది. రెండో పాట ప్రోమో రా మచ్చమచ్చ సెప్టెంబర్ 28న విడుదల కానుంది' అని క్యాప్షన్ రాసుకొచ్చారు. లిరిసిస్ట్ అనంత్ శ్రీరామ్ ఈ పాట తెలుగుతోపాటు తమిళం, హిందీ భాషల్లో రిలీజ్ కానుంది. కాగా, గతంలో రిలీజైన తొలి పాట 'జరగండి జరగండి'కి మంచి రెస్పాన్స్ లభించింది. ఈ పాటలో రామ్చరణ్- కియారా అడ్వాణీ లుక్స్, డ్యాన్స్ స్టెప్స్ ప్రేక్షకులను ఆకట్టుకున్నాయి.
రిలీజ్ అప్పుడేనా?
రీసెంట్గా మ్యూజిక్ డైరెక్టర్ తమన్ విడుదల తేదీపై హింట్ ఇచ్చారు. తన తాజా పోస్ట్తో రిలీజ్ డేట్ను ఇండైరెక్ట్గా కన్ఫార్మ్ చేశారు. 'వచ్చే వారం నుంచి డిసెంబరు 20 వరకు ప్రచార చిత్రాలు, ఈవెంట్స్‌ ఉంటాయి. రెడీగా ఉండండి' అని పోస్ట్కు రాసుకొచ్చారు. అలానే నిర్మాణ సంస్థ శ్రీ వేంకటేశ్వర క్రియేషన్స్‌ కూడా తమన్ పోస్ట్‌ను రీ పోస్ట్ చేసి ఫ్యాన్స్లో మరింత జోష్ పెంచింది. దీంతో మెగా ఫ్యాన్స్, సినీ ప్రియులు గేమ్ ఛేంజర్ డిసెంబరు 20న రిలీజ్ అవ్వనుందని ఫిక్స్ అయిపోయారు. కానీ, అఫీషియన్ అనౌన్స్మెంట్ రావాల్సి ఉంది.
గేమ్ఛేంజర్తో నా కల నిజం
ఈ సినిమా గురించి దర్శకుడు శంకర్ ఇటీవల ఓ సందర్భంలో మాట్లాడారు. 'నేను తీసిన తమిళ సినిమాలకు తెలుగులోనూ మంచి రెస్పాన్స్ దక్కింది. అందుకే డైరెక్ట్గా తెలుగులోనే ఓ మూవీ చేయాలని ఎప్పుడూ అనుకునే వాడిని. అప్పటికీ చేసిన కొన్ని ప్రయత్నాలు ఫెయిల్ అయ్యాయి. అయితే ఎట్టకేలకు ఇప్పుడు 'గేమ్ ఛేంజర్'తో నా కల నెరవేరుతోంది. కార్తీక్ సుబ్బరాజు అందించిన కథతో దీన్ని తెరకెక్కిస్తున్నాను. ఇది పక్కా ఫుల్ యాక్షన్‌ మోడ్ చిత్రం. నా నుంచి ఇలాంటి మాస్‌ మూవీ వచ్చి చాలా కాలం అయిపోయింది' అని ప్రేక్షకుల్లో ఆసక్తి రేకెత్తించారు.