Devara Fear Song :జూనియర్ ఎన్టీఆర్, కొరటాల శివ కాంబినేషన్లో రూపొందుతున్న దేవర సినిమా నుంచి ఫస్ట్ సింగిల్ను మేకర్స్ విడుదల చేశారు. 'ఫియర్ సాంగ్' అనే టైటిల్తో వచ్చిన ఈ పాట మ్యూజిక్ లవర్స్ను ఆకట్టుకుంటోంది. తెలుగు, తమిళం, మలయాళం, కన్నడ, హిందీ ఇలా ఐదు భాషల్లో ఈ సాంగ్ రిలీజైంది.
స్టార్ మ్యూజిక్ డైరెక్టర్ అనిరుధ్ రవిచంద్రన్ ఈ సాంగ్కు ఎనర్జిటిక్ మ్యూజిక్ అందించగా, తెలుగులో ఈ సాంగ్కు ప్రముఖ లిరిసిస్ట్ రామజోగయ్య శాస్త్రి పవర్ఫుల్ లిరిక్స్ అందింటారు. 'దేవర ముంగిట నువ్వెంత' అంటూ సాగే ఆ సాంగ్ ప్రస్తుతం నెట్టింట ట్రెండ్ అవుతూ అభిమానులకూ గూస్బంప్స్ తెప్పిస్తోంది. విజువల్స్ కూడా వేరే లెవెల్లో ఉన్నాయంటూ ఫ్యాన్స్ కామెంట్లు పెడుతున్నారు.
ఇక దేవర సినిమా విషయానికి వస్తే, సీ కాన్సెప్ట్ బ్యాక్డ్రాప్తో తెరకెక్కుతున్న 'దేవర' రెండు భాగాలుగా వస్తుందని చిత్ర బృందం ముందే ప్రకటించింది. కొరటాల శివ రూపొందిస్తున్నఈ చిత్రం మొదటి భాగం దసరా కానుకగా అక్టోబర్ 10న ప్రేక్షకుల ముందుకు రానుంది. ఈ సినిమాతో జాన్వీ కపూర్ తెలుగు తెరకు పరిచయం కానుంది. ఎన్టీఆర్ ఆర్ట్స్, యువసుధ ఆర్ట్స్ బ్యానర్‌లపై మిక్కిలినేని సుధాకర్, కొసరాజు హరికృష్ణ, నందమూరి కళ్యాణ్ రామ్ ఈ చిత్రాన్ని నిర్మిస్తున్నారు. రూ.120 కోట్లకుపైగా భారీ బడ్జెట్‌తో ఈ సినిమా నిర్మాణం జరుగుతుంది. ఈ సినిమాకు అనిరుధ్ రవిచందర్ సంగీతాన్ని అందిస్తున్నారు.