Chiranjeevi Tweet On Thaman : టాలీవుడ్ స్టార్ మ్యూజిక్ డైరెక్టర్ తమన్ 'డాకు మహారాజ్' సక్సెస్ మీట్లో చేసిన కామెంట్స్ సోషల్ మీడియాలో వైరల్ అయ్యాయి. సినిమాపై జరుగుతున్న నెగిటివ్ ట్రోల్స్పై ఆయన ఆవేదన వ్యక్తం చేశారు. దీనిపై తాజాగా మెగాస్టార్ చిరంజీవి స్పందించారు. తమన్ మాటలు గుండెను తాకేలా ఉన్నాయని అన్నారు. ఈ మేరకు ట్విట్టర్లో పోస్ట్ షేర్ చేశారు.
'డియర్ తమన్, నిన్న నువ్వు మాట్లాడిన మాటలు హృదయాల్ని తాకేలా ఉన్నాయి. ఎప్పుడూ సరదాగా మాట్లాడుతూ వుండే నీలో ఇంత ఆవేదన ఉండడం నాకు ఒకింత ఆశ్చర్యంగా కూడా అనిపించింది. కానీ, మనసు ఎంత కలత చెందితే నువ్వింతగా స్పందించావో అని అనిపించింది. విషయం సినిమా అయినా క్రికెట్ అయినా మరో సామజిక సమస్య అయినా సోషల్ మీడియా వాడుతున్న ప్రతి ఒక్కరు తమ మాటల తాలూకు ప్రభావం ఆ వ్యక్తుల మీద ఎలా వుంటుందని ఆలోచించాలి'
'ఎవరో అన్నట్టు మాటలు ఫ్రీ నే, కానీ ఆ మాటలు మరొకరిలో స్ఫూర్తి నింపుతాయి. అలాగే ఇంకొకరిని నాశనం చేస్తాయి. కాబట్టి దేనిని ఎంచుకుంటావనేది నీపైనే ఆధారపడి ఉంటుంది. మనం పాజిటివ్ గా వుంటే ఆ ఎనర్జీ మన జీవితాలని కూడా అంతే పాజిటివ్ గా ముందుకు నడిపిస్తుంది' అని మెగాస్టార్ చిరంజీవి పోస్ట్లో రాసుకొచ్చారు. దీనికి తమన్ కూడా స్పందించారు.
❤️❤️❤️❤️❤️❤️❤️❤️ @KChiruTweets 🥁 ✊
— thaman S (@MusicThaman) January 18, 2025
డియర్ అన్నయ్యా... మీ మాటలు నాకు
కర్మణ్యేవాధికారస్తే మా ఫలేషు కదాచన....
అన్న భగవద్గీత శ్లోకాన్ని గుర్తు చేశాయి.
ఎంత కాదనుకున్నా మనుషులం కదా... ఒక్కోసారి ఆవేదన గుండె తలుపులు దాటి వచ్చేస్తూ ఉంటుంది.
పేగు తెంచుకుని పుట్టిన బిడ్డని... కళ్ళు… https://t.co/Z8ueYVXFUG
'డియర్ అన్నయ్యా, మీ మాటలు నాకు కర్మణ్యే వాధికారస్తే మా ఫలేషు కదాచన! అన్న భగవద్గీత శ్లోకాన్ని గుర్తు చేశాయి. ఎంత కాదనుకున్నా మనుషులం కదా. ఒక్కోసారి ఆవేదన గుండె తలుపులు దాటి వచ్చేస్తూ ఉంటుంది. పేగు తెంచుకొని పుట్టిన బిడ్డని కళ్ళు తెరిచే లోపలే చిదిమేస్తుంటే వచ్చిన బాధ అది. నన్ను అర్థం చేసుకొని స్పందించిన మీ మాటలు నాకు జీవితాంతం గుర్తు ఉంటాయి' అని రిప్లై ఇచ్చారు.
ఇదీ జరిగింది
శుక్రవారం డాకు మహారాజ్ సినిమా సక్సెస్ మీట్ జరిగింది. ఈ ఈవెంట్లో పాల్గొన్న తమన్, ప్రస్తుతం సినిమాలపై జరుగుతున్న నెగిటివిటీ గురించి మాట్లాడారు. 'ఒక నిర్మాత ఎంతో కష్టపడి సినిమా చేస్తారు. సినిమాకు ఇంపార్టెంట్ వాళ్లే. ఇవాళ తెలుగు సినిమా స్థాయి ఇంటర్నేషనల్ లెవెల్కు వెళ్లిపోయింది. కానీ, కొందమంది నెగిటివ్ ట్రోల్స్ చేస్తున్నారు. ఇలా మనమే సినిమాను చంపేసుకుంటున్నాం' అని తమన్ అన్నారు.
'నందమూరి కాదు, ఇకపై NBK తమన్'- బాలయ్య
మహా కుంభమేళాలో 'అఖండ 2' టీమ్ - కోట్లాది భక్తుల మధ్యలో షూటింగ్
