Rohit Sharma On BCCI New Rules : 2025 ఐసీసీ ఛాంపియన్స్ ట్రోఫీ భారత జట్టును బీసీసీఐ శనివారం ప్రకటించింది. జట్టు ప్రకటనకు ముందు బీసీసీఐ ముంబయిలో సమావేశం ఏర్పాటు చేసింది. ఈ మీటింగ్లో కెప్టెన్ రోహిత్ శర్మ పాల్గొన్నాడు. అయితే టీమ్ఇండియా రీసెంట్ ప్రదర్శనను దృష్టిలో ఉంచుకొని బీసీసీఐ కొత్తగా 10 రూల్స్ తీసుకురానుందంటూ ప్రచారం సాగుతోంది.
ఈ నిబంధనలపై తాజా సమావేశంలో రోహిత్కు ఓ ప్రశ్న ఎదురైంది. దానికి కెప్టెన్ తనదైన రీతిలో సమాధానం ఇచ్చాడు. 'ఈ నిబంధనల గురించి మీకు ఎవరు చెప్పారు? ఇదేమైనా బీసీసీఐ అఫీషియల్ హ్యాండిల్ నుంచి వచ్చిందా? ముందు అధికారికంగా రానివ్వండి, ఆ తర్వాత మాట్లాడుదాం' అని రిప్లై ఇచ్చాడు.
ఇవే ఆ నిబంధనలు
ఇటీవల ముగిసిన బోర్డర్- గావస్కర్ ట్రోఫీలో భారత్ ఓడడం వల్ల బీసీసీఐ ఆటగాళ్ల పట్ల క్రమశిక్షణ చర్యలు తీసుకోనుందని ప్రచారం సాగింది. ప్రచారంలో ఉన్న కొన్ని నిబంధనలు ఇవే!
- ఆటగాళ్లు పర్యటనలు, ప్రాక్టీస్, మ్యాచ్‌ల కోసం అందరూ కలిసే ప్రయాణించాలి
- 45 రోజుల పాటు కొనసాగే పర్యటనల్లో, ప్లేయర్లతో వారి కుటుంబ సభ్యులు రెండు వారాలకు మించి ఉండకూడదు
- వ్యక్తిగత సిబ్బందితో ఏ ఆటగాడు ప్రయాణించకూడదు
- జాతీయ జట్టుకు ఎంపిక కావాలంటే డొమెస్టిక్‌ క్రికెట్ తప్పనిసరి
- ఈ నిబంధనలు పాటించకపోతే ఆంక్షలు ఎదుర్కోవాల్సి ఉంటుందని, ఈ రూల్స్ను బీసీసీఐ త్వరలోనే అమలు చేయనుందని వార్తలు వచ్చాయి. వీటిపైనే ప్రశ్నించగా, రోహిత్ ఈ విధంగా జవాబిచ్చాడు.
ఇది స్కూల్ కాదు
ఇదిలా ఉండగా, టీమ్‌లో బాండింగ్‌ పెంచే లక్ష్యంతోనే బీసీసీఐ కొత్త నియమాలు ఉన్నాయని భారత సెలక్టర్ అజిత్‌ అగార్కర్ చెప్పాడు. 'ప్రతి జట్టుకు కొన్ని నియమాలు ఉన్నాయని నేను భావిస్తున్నాను. మేము చాలా విషయాల గురించి మాట్లాడాం. గత కొన్ని నెలలుగా జట్టులో కొన్ని మార్పులు, బాండింగ్‌ అవసరమని గుర్తించాం. ఇది స్కూల్ కాదు, ఇది పనిష్మెంట్‌ కాదు. మాకు కొన్ని నియమాలు ఉన్నాయి'
Ajit Agarkar said on Rules set by BCCI, " it's not a school, it's not a punishment. it's just you have some rules in place and when you playing for national team you just follow the rules" [source: hotstar]#ChampionsTrophy2025 #zelena #RajataDalal #bb18pic.twitter.com/a5RGICRoUy
— Vipin.Yadav (@vipin_y18) January 18, 2025
'మీరు జాతీయ జట్టు కోసం ఆడుతున్నప్పుడు, మీరు రూల్స్ పాటించాలి. వీళ్లు స్కూల్ పిల్లలు కాదు. వీళ్లు సూపర్ స్టార్లు. తమను తాము ఎలా హ్యాండిల్ చేసుకోవాలో వాళ్లకు తెలుసు. కానీ చివరికి మీరు మీ దేశం కోసం ఆడుతారు. కాబట్టి మీరు చాలా నియమాలు పాటించాలి' అని తెలిపాడు.
ప్లేయర్స్కు BCCI నయా రూల్స్- ఇకపై అవన్నీ బంద్! గంభీర్ రచించిన పది సూత్రాలు ఇవే!
ఛాంపియన్స్ ట్రోఫీకి భారత్ జట్టు ప్రకటన- గిల్కు ప్రమోషన్, షమీ రీ ఎంట్రీ
