Suhana Khan Net Worth:షారుక్ ఖాన్ కూతురు సుహానా ఖాన్ గురించి ప్రత్యేకంగా చెప్పనక్కర్లేదు. సోషల్ మీడియాలో అందాల ఆరబోతతో కనిపించే ఈ ముద్దుగుమ్మ ఇప్పటికే 2023లో రిలీజైన 'ద ఆర్కీస్' సినిమాతో పరిచయమైంది. అయితే ఈ సినిమా ఓటీటీలో రిలీజైంది. ప్రస్తుతం తన తండ్రితో కలిసి 'కింగ్' అనే సినిమాలో నటిస్తోంది. ఈ చిత్రంతోనే వెండితెర అరంగేట్రం చేయనుంది. అలానే ఈ ముద్దుగుమ్మ మంచి బిజినెస్ ఉమెన్గానూ ఎదగాలని తాపత్రయపడుతోంది. టీవీ అడ్వర్టైజ్మెంట్లు, మోడలింగ్లోనూ రాణిస్తోంది.
అయితే ఈ 24 సంవత్సరాల ముద్దుగుమ్మ నెట్వర్త్ రూ.13 కోట్లు అని నివేదికల ద్వారా తెలిసింది. 'లక్స్', 'మేబీల్లైన్' వంటి బ్రాండ్లకు అంబాసిడర్గా వ్యవహరించడంతో పాటు కొన్ని రియల్ ఎస్టేట్ పెట్టుబడులు కూడా చేస్తుందట. అలా రూ.6300 కోట్లున్న షారుక్ ఖాన్ లాంటి రిచెస్ట్ యాక్టర్ కూతురు తన కాళ్లపై తాను నిలబడేందుకు ప్రయత్నాలు గట్టిగానే చేస్తోంది.
ఫామ్ హౌస్, భూమి కొనుగోలు- అలీబాగ్ ఫామ్ హౌజ్- తండ్రి బాటలో నడుస్తూ రియల్ ఎస్టేట్ పోర్ట్ ఫోలియో స్టార్ట్ చేసిందట సుహానా. అలీబాగ్లోని థాల్ గ్రామంలో ఒక ఫామ్ హౌజ్ కొనుగోలు చేసిందని తెలిసింది. దీని ధర దాదాపు రూ.12.91 కోట్లు అని తెలిసింది. దీని పక్కనే షారుక్ ఖాన్కు రూ.14.67 కోట్ల విలువైన బంగ్లా ఉందట. సుహానా ఖాన్ ఫిబ్రవరి 2024లో ఇదే గ్రామంలో రూ.9.5 కోట్ల వ్యవసాయ భూమిని కూడా కొనుగోలు చేసిందని తెలిసింది.