Bigg Boss 8 Telugu Second Week Elimination: రోజులు గడిచే కొద్దీ.. ఆసక్తికరమైన టాస్క్లతో.. ఇంటి సభ్యుల మధ్య గొడవలతో.. కంటెస్టెంట్ల స్ట్రాటజీలతో.. తెలుగు బిగ్బాస్ సీజన్ 8 చాలా రసవత్తరంగా మారుతోంది. చూస్తుండగానే సెకండ్ వీక్ ఎలిమినేషన్స్ టైమ్ వచ్చేసింది. మరి.. ఈ వీక్ హౌస్ నుంచి ఎవరు వెళ్లనున్నారు?
గత ఆదివారం నాడు ఇంటి నుంచి బేబక్క ఎలిమినేట్ అయిన సంగతి తెలిసిందే. ఆ తర్వాత సోమ, మంగళవారం రెండూ రోజులు నామినేషన్ల ప్రక్రియ చేపట్టాడు బిగ్బాస్. ఇందులో కంటెస్టెంట్ల మాటల యుద్ధం తర్వాత.. మొత్తంగా ఎనిమిది మంది నామినేట్ అయ్యారు. వారిలో.. శేఖర్ బాషా, పృథ్వీరాజ్, నిఖిల్, ఆదిత్య, నాగ మణికంఠ, నైనిక, సీత, విష్ణు ప్రియ ఉన్నారు.
ఎవరు ఎలిమినేట్ కానున్నారు:సెకండ్ వీకెండ్ నామినేషన్లలో ఈసారి ఊహించని ట్విస్ట్ చోటు చేసుకోబోతోందని ప్రచారం జరుగుతోంది. అందులో ఎంతవరకు నిజం ఉందో తెలియదు గానీ.. ఈ వీక్ నామినేషన్లలో ఎలిమినేషన్ కత్తి మాత్రం ఇద్దరి మీదే ఉందని అంటున్నారు. ఎనిమిది మందిలో ఈ వీక్ సేఫ్ జోన్లో ఉన్నది నిఖిల్, విష్ణుప్రియ అని సమాచారం. వీరికి ఫ్యాన్ బేస్ ఎక్కువ ఉండటంతో.. ఓట్లు భారీగానే పోల్ అయ్యాయని టాక్. ఇక గేమ్లో ముందుగా సింపతి కార్డు ప్లే చేసిన నాగ మణికంఠ ఇప్పుడు ఆట తీరును మెరుగు పరుచుకుని ఈ వీక్ కూడా సేఫ్ జోన్లో ఉన్న వారి లిస్ట్లోనే స్థానం దక్కించుకున్నాడు. ఇక డేంజర్ జోన్లో ఉన్నది మిగతా ఐదుగురు. వారి స్థానాలు చూస్తే.. నైనిక, పృథ్వీరాజ్, సీత, శేఖర్బాషా, ఆదిత్య ఓం. లాస్ట్లో ఉన్న ఇద్దరిలో.. ఎక్కువగా ఎలిమినేట్ అయ్యే ఛాన్స్ ఉన్నది మాత్రం ఆదిత్యకే అని టాక్.